Wednesday, April 30, 2014

ကလေးငယ်အား အစာကျွေးခြင်း

ဒီမှာကတော့ ကလေးငယ် ၃လပြည့်အပီး ၄လအတွင်းမှာ မြို့နယ်ကျန်းမာရေးဌာနှာ ကလေးအစာကျွေးခြင်း အစားအစာပြုလုပ်ပုံကို လက်တွေ့သင်ကြားပြသပေးပါတယ်။ အဲ့ဒီသင်တန်းက အခမဲ့ပါ.။

ကလေးအစာကျွေးနိုင်တဲ့ လကတော့ ၄လကနေစကျွေးလို့ ရပါတယ်။ ဒါပေမဲ့ ၆လမှ စပီးကျွေးတာ အလာဂျီဖြစ်နိုင်ခြေနဲပီး ကလေးရဲ့ အစာချက်နိုင်စွမ်းရည်အားကောင်းလို့ပါတဲ့။

ကလေးတွေကို ပထမဆုံးအကြိမ်အဖြစ် အစာ စကျွေးတော့မယ်ဆိုရင် ဒီမှာ သတ်မှတ်ထားတဲ့ ပထမဆုံးစည်းကမ်းလေးကတော့ ပထမလမှာ နေ့လည်စာ ၁ကြိမ်ပဲ ကျွေးရမှာပါ။ ဂျပန်တွေကတော့ အချိန်သတ်မှတ်ပေးထားပါတယ်။
မနက်၆နာရီမှာ နို့တိုက် ၁၁ နာရီမှာအစာကျွေး နို့တိုက် ၂နာရီမှာနို့တိုက် ၆နာရီမှာ နို့တိုက် ၁၀နာရီမှာတိုက် ဒါကတော့ အချိန်ဖြစ်ပီးတော့ အောက်ကဇယားကတော့ စကျွေးရတဲ့အစာဖြစ်ပါတယ်။ အစာနဲ့မိတ်ဆက်တဲ့အခါ နဲနဲစီစမ်းကျွေးပီး ၃ရက်မြောက်တဲ့နေ့မှ အခြားအစာကိုစကျွေးပါ။ ဇယားမှာလဲပြထားပါတယ်။ ဘာလို့လဲဆိုတော့ တကယ်လို့ ကလေးမှာ အလာဂျီဖြစ်ခဲ့ရင် ဘယ်အစာကဖြစ်လဲဆိုတာ အလွယ်တကူသိနိုင်လို့ပါပဲ။
အောက်ကဇယားက ကလေးကျွေးတဲ့ဇွန်းကိုပြောတာပါ။ ကလေးဇွန်းဆိုတာ တီးစပွန်းလောက်ဆိုဒ်ပေါ့။ ကလေးဇွန်းကို ဆီလီကွန်တို့ မယ်လမင်းတို့ အဲလိုဟာတွေ သုံးပါ။ စတီးနဲ့သုံးရင် ကလေးကို ထိခိုက်မဆိုးလို့ပါ။

ကလေးကို ၁နှစ်အထိ သကြားနဲ့ ဆားမသုံးပါနဲ့လို့ပြောထားပါတယ်။ ထောပတ်တို့ မာဂျရင်းတို့တော့ အနဲငယ် သုံးလို့ရပါတယ်။ မရိုးနိစ်ကိုတော့ ၉လမှစတင်သုံးသင့်ပါတယ်။ ပုစွန် ခရု ဂဏန်းတို့ကိုတော့ ၉လကျော်မှ ကျွေးသင့်ပါတယ်။ ဘဲဥကြက်ဥဆိုလည်း အကာကိုဖယ်ပီးအနှစ်ကိုသာ ၉လအထိ ကျွေးသင့်ပါတယ်။ ဘဲဥ ကြက်ဥအလာဂျီဖြစ်တတ်လို့ပါ။ ချိစ်လဲကျွေးလို့ရပါတယ်။
ကြက်သားကိုတော့ အဆီမပါ အရိုးပါတဲ့ ဂျိုင်းအောက်က ရင်ပုံနားကအသားထင်ပါတယ် အဲ့ဒါကိုကျွေးလို့ရပါတယ်။ ကြက်အသဲလဲ ကျွေးလို့ရပါတယ်။
အသီးအနေနဲ့တော့ ပန်းသီး ငှက်ပျောသီးပေါ့။ လိမ္မော်သီးက ၀မ်းပျက်တတ်လို့ပါတဲ့။
ဒါကတော့ ပထမဆုံး ကလေးကို အစာနဲ့စတင်မိတ်ဆက်ပေးတဲ့ အခါ မဖြစ်မနေသုံးဖို့ တိုက်တွန်းထားတဲ့ ကိုယ်တို့မြို့နယ်က ဇယားပါ။

 လရက်
1-3
4-6
7-9
10-12

13-15
16-18
19-21
22-24
25—
27
28-
30
31-
ဆန်ပြုတ်
၁ဇွန်း
၂ဇွန်း
၃ဇွန်း






၅-၆ ဇွန်း
၅-၆
ဇွန်း
အာလူး


၁ဇွန်း
ဇွန်း
၃ဇွန်း




၃-၄ ဇွန်း
၃-၄
ဇွန်း
မုန်လာဥနီ




၁ဇွန်း
ဇွန်း
ဇွန်း



ဇွန်း
ဟင်းနု နွယ်






ဇွန်း
ဇွန်း
ဇွန်း

၎ဇွန်း

အဖြု
ရောင်ငါး









၁ဇွန်း
၂ဇွန်း


သမီးလေးကို အစာစကျွေးတော့ စာအုပ်ကြီးအတိုင်း အချိန်ကန့်သတ်ပီး ကျွေးမိပါတယ်။ ဟားဟားလို့သာ အော်ရယ်လိုက်ပါ...လုံးဝ မရပါဘူး။ ဟိ...

ဒါနဲ့ စာအုပ်ကနေသွေဖယ်ပီး ကျွေးမှပဲ အဆင်ပြေပါတော့တယ်။ နာ့စ်မကပြောတာကတော့ ကလေးတယောက်နဲ့တယောက် မတူဘူး... အဆင်ပြေသလိုသာ လုပ်ပါတဲ့..။ အိပ်ယာက ထထချင်း ကျွေးလို့မရပါဘူး.. ၁၅ မိနစ်ကနေ နာရီဝက်အထိ ကစားပီးမှ ကျွေးတာ ပိုအဆင်ပြေပါတယ်။
သမီးကို ဒီမှာရှိတဲ့ သူ့အရွယ်အလိုက် စားလို့ရတဲ့ desert တို့ snack တို့လည်း ကျွေးပါတယ်။ juice လဲ တိုက်ပါတယ်။ သမီးသိပ်ကြိုက်ပါတယ်။ အများကြီးတော့ မကျွေးဘူးပေါ့...။ ဆရာမက ကြိုက်တယ်...ဘာကျွေးကျွေး...အကုန်စားပဲ။ သူက ကိုယ်တိုင်လက်ကကိုင်ပီးစား တာ ကြိုက်တော့ chese stick တို့ အခြား ငါးမုန့်အချောင်းလေးတွေ ကို ၀ယ်ကျွေးပါတယ်။ ဘီစကစ်ကတော့ အရုပ်ကလေးတွေပေါ့။ ဒီမှာကတော့ ၅ လ..၆လ ကနေစပီး ကျွေးလို့ရတဲ့ မုန့် ကို သူ့ လအလိုက် ရောင်းတော့ စိတ်ပူစရာ မလိုဘူးပေါ့...။


Friday, April 4, 2014

သမီးလေးရဲ့ တိုးတက်မှု ၄

သမီးလေး....အခု ၇လ ခွဲ။
သူ ၅လမှာ ဘေဘီဝေါ့လ်ကာထဲချလို့ရပေမဲ့ သိပ်မကြိုက်ဘူး။ ဟော.. ၆လတင်းတင်းလဲပြည့်ရော..ဆရာမက ဝေါ့လ်ကာထဲကနေ လျှောက်တာမှ ဂျောင်းဂျောင်းနဲ့ပဲ။ အစာလဲစကျွေးပီဆိုတော့ လူကလည်းထွားလာပီ။ တဖြည်းဖြည်းနဲ့ ထိုင်တာပါ စိတ်ချလာရပီ။ ၇လပြည့်တဲ့နေ့မှာပဲ လေးဘက်ထောက်ချင်စပြုလာပီ။ ထိုင်ရက်ကနေ သူလိုချင်တဲ့ ပစ္စည်း အမှန်က သူနဲ့လက်လှမ်းမမှီတဲ့နေရာက ပစ္စည်းကို လှမ်းယူနိုင်နေပီ။ ထိုင်တယ်...ဆွဲတယ် မရရင် လက်ထောက်တယ် ဖင်ကုန်းတယ် သွားမရတော့ မှောက်ရက်ဖြစ်တယ်။ ခါတိုင်းမှောက်တာမကြိုက်တဲ့ သမီးက သူ့ဟာသူမှောက်ဖြစ်သွားတာကို မအော်ဘူး ။ မှောက်ရာက ပြန်ထတယ် ထိုင်တယ် တခါတလေ လဲတယ်။ လဲတာ ပက်လက်လှန်သွားလို့ မထနိုင်ဖြစ်မှ ကိုယ်ကထူပေးတယ်။ ဒါတောင် နာစရာမရှိရင် ကိုယ်က ရင်ထဲက စိုးရိမ်တာကို ဟန်လုပ်ပီး ပြုံးပြုံးလေးကြည့်လိုက်တယ်။ သမီး..မနာဘူးနော်...မငိုနဲ့..သမီးဖာသာ ဖြစ်တာနော်လို့ပြောရင်း ထူပေးတယ်။ တခါတလေ ကစားစရာနဲ့ ထိရိုက်မိသွားရင် နာတဲ့အခါတွေလဲရှိတာပေါ့..။ နာတယ်ဆိုရင် ကိုယ်က သမီး..မငိုနဲ့နော်..မေမေ ဥုံဖွလေး လုပ်ပေးမယ်ဆိုပီး လုပ်ပေးလိုက်တယ်။ ကံကောင်းစွာပဲ သမီးက ငိုကြောသိပ်မရှည်တတ်ဘူး။

သမီးလေးက ရှေ့တိုးတာ နောက်ပဲရောက်ရောက်သွားတယ်။ သမီးက မှောက်ရက်ကနေ တွားသွားတာလည်း မလုပ်တတ်ဘူး။ မှောက်ရာကနေ လှိမ့်ထွက်တာလဲ မလုပ်ခဲ့ဘူး။  သမီးက အခု ကိုင်ပီး သူ့ဟာသူ မတ်တပ်တော်တော်ရပ်နိုင်နေပီ။ အရင် ၄လသမီးလောက်ထဲက မအေ အကူအညီနဲ့ ရပ်ပီး ခုန်ဆွခုန်ဆွ နဲ့ သူသွားချင်တဲ့နေရာကို သွားတတ်တဲ့ သမီးလေးဟာ ဒီပုံအတိုင်းဆို သိပ်မကြာခင် လမ်းလျှောက်တတ်မယ်ထင်ပါတယ်။ ကိုယ်ကတော့ တိတ်တိတ်လေးဆုတောင်းနေမိတာက ကိုယ်တို့ရဲ့ မင်္ဂလာနှစ်ပတ်လည်မှာ သမီးလေး လမ်းလျှောက်နိုင်ပါစေလို့.... အိုး..တွေးရင်းနဲ့တောင် ရင်ခုန်ပျော်မြူးမိနေသေးပါရဲ့...။ သမီးလေး မတ်တပ်ထပီး လမ်းလျှောက်ချင်တဲ့အခါ ကိုယ်က သမီးလေးကို သမီးရေ... ဒီဘက်ခြေလေးကိုလှမ်းပီးရင် ဟိုဖက်ခြေလှမ်းဆိုပီး သမီးကို သင်ပေးတဲ့အခါ တခါတလေ သမီးလမ်းလျှောက်ဖြစ်တိုင်း အဲဒီလိုလေး လှမ်းလေရဲ့...။

ဒီလိုပဲ လေးဘက်ထောက်စပြုနေတဲ့သမီးလေးကို ကိုယ်က သမီးလေး.. ဒီမှာကြည့် တွေ့လား.. ဒီလိုလေးဘက်ထောက်ပီး ဒီလက် ကလေးရှေ့တိုး ဒီခြေထောက်ကလေးတိုး ပီးရင် ဒီဖက်လက်ကိုတိုး ဒီခြေထောက်ကို တိုး..ဒါဆိုသမီးလုပ်တတ်ပီလို့ပြောပီး..သင်ပေးပါတယ်။ ဒီလိုနဲ့ သမီးလေး... သိပ်မသွက်သေးပေမဲ့ မနေ့က စပီး ခပ်ဝေးဝေးထိ သူ့ကိုယ်ကိုထိန်းပီး သွားတတ်ပါတယ်။ သမီး ၇လနဲ့ ၈ ရက်မြောက်နေ့မှာ လေးဘက်ထောက်နိုင်ပီ။ သမီးလေးက ချော်လဲမှာဆိုးလို့ သူ့ကိုယ်သူထိန်းပီး သွားတာကလည်း ပြုံးချင်စရာလေးပါ။

သွားလည်းမပေါက်သေးဘူးဆိုပီး..စိုးရိမ်နေတာ... အခုတော့ သမီးသွားလေးတွေ ထွက်စပြုနေပီ။

သူရဲ့အောင်မြင်မှုတိုင်းမှာ ဘေးကနေ လက်ခုပ်တီးပီး အားပေးတဲ့အခါ။ သိပ်တော်တာပဲလို့ပြောပေးတဲ့အခါ ၊ သိပ်လိမ္မာတာပဲလို့ပြောတဲ့အခါတွေမှာ သမီးလေးဟာ သိပ်ကိုကျေနပ်ပျော်ရွှင်နေတတ်တာ မေမေ သတိထားမိလေရဲ့။


အခုဆို ရာသီဥတုက လည်းသာယာလာပီဆိုတော့ ဈေးဝယ်ထွက်ရတာ သိပ်အဆင်ပြေလာပီပေါ့။ သမီးလေးက များသောအားဖြင့် ပြုံးရယ်နေတာများပါတယ်။ ကိုယ်ကလည်း ငပြောင်ဆိုတော့ သမီးအတွက် အမြဲလို ခိုးခိုးခစ်ခစ် ရီစရာတွေ ဖြစ်နေသလား မသိပါဘူး။ သမီး အဲလို အသံထွက်ပီး ရယ်တဲ့အခါပဲဖြစ်ဖြစ် အသံမထွက်ပဲရယ်တဲ့ အခါပဲဖြစ်ဖြစ် မေမေကတော့ အမောပြေတာ အမှန်ပဲ သမီးလေးရေ..။ ဖေဖေကလဲ အမောပြေသတဲ့။

သမီးလေးက လေးဘက်ထောက်ပီး သူသွားချင်ရာသွားတာ မေမေ သိပ်မပင်ပန်းပေမဲ့ ဟိုဟာဆွဲပီးရပ် ဒီဟာဆွဲပီးရပ်တာ ပြုတ်ကျမှာစိုးရ်ိမ်လို့ မေမေတော့သိပ်ပင်ပန်းတယ်။ အခုဆိုသမီးက လေးဘက်ထောက်တာထက်ကို ထတာပိုအားသန်တယ်။ ထတယ် ထပီးလက်၂ဖက်လွှတ်ပီးထိန်းကြည့်တယ်။ လဲတယ်။ အဲဒါကိုပဲ သူ့မှာ မမောနိုင်မပန်းနိုင် ထပ်ခါထပ်ခါလုပ်တယ်။ အရှုံးမပေးဘူး။ မေမေ့ကိုလဲ အကူအညီမတောင်းဘူး။ မေမေက ခုထဲက သမီးကို
ကိုယ့်အားကိုယ်ကိုးဖို့ သင်ပေးနေတာ သမီးရေ..။ ဒါကြောင့် သမီးလေးက တော်ရုံတန်ရုံ နာတာလောက်ကို မငိုတတ်တော့ဘူး။ သူထိသွားရင် မအေကို လှမ်းကြည့်တယ်။ မအေက စိုးရိမ်စိတ်ကို ဖုံးပီးဖာသိဖာသာနေတော့ သူက ပြုံးတောင်ပြလိုက်သေးတယ်။

သူတခုခု အမှားလုပ်လိုက်ပီဆို မျက်လုံးလှန်ကြည့်တာကလဲ လူကြီးလေးအတိုင်းပဲ.။ သမီးလေးရေ... သိပ်ချစ်တယ်...မေမေ နမ်းမ၀ဘူး။ ဖေဖေကလည်း ချစ်မ၀ဘူး။

သမီးလေးနဲ့ အပြင်သွားရင် သမီးလေးအိပ်နေတဲ့အခါ ရှည်ပီးကော့စင်းနေတဲ့ မျက်တောင်လေးတွေရယ် သေးသွယ်ပီး ခုံးခုံးတန်းတန်းလေးဖြစ်နေတဲ့ မျက်ခုံးကလေးတွေရယ်ကြောင့် တွေ့တဲ့သူတိုင်းက..ဟယ် အရုပ်ကလေးအတိုင်းပဲ လို့ပြောကြရင် မေမေ့မှာကျေနပ်လိုပေါ့ သမီးရယ်။ တခါတလေ သမီးနိုးတဲ့အခါကျတော့ သမီးလေးရဲ့ လှပတဲ့ မျက်လုံးဝိုင်းလေးရယ်ကြောင့် သမီးကို စကားလာပြောကြပြန်ရော.. အဲ့အခါကျတော့ တခါတလေ သမီးက ပြန်ရယ်ပြတော့...အို..ချစ်စရာကောင်းလိုက်တာ ချစ်စရာလေးဆိုပီး ပြောကြပြန်ရော... သီးလေးက သူတို့တွေကို ဟိုဟာလှမ်းဆွဲ ဒီဟာလှမ်းဆွဲပြန်တော့ သမီးလေးရဲ့ လက်ချောင်းရှည်ရှည်လေးတွေ မြင်ပြန်တော့ အံ့သြကြပြန်ရော.. သမီးလေးရေ..သမီးလေးက မေမေနဲ့ဖေဖေရဲ့ အလှတွေအကောင်းတွေ အကုန်ရထားတော့ သမီးလေးက ချောချောလေးဖြစ်နေတာပေါ့..။ ဖေဖေကတော့ မေမေ့ကိုပြောတယ်.. ဆုတောင်းပြည့်သတဲ့..။ ဒါပေမဲ့ သမီးရဲ့နုတ်ခမ်းကို စူစူထားတာ..မေမေ့အကျင့်ကိုယူထားတာတော့ မေမေက သိပ်မကြိုက်ချင်ဘူး...အချစ်ကလေးရေ..