ကလေးများ နှင့် စာဖတ်ခြင်း အနုပညာ

ကလေးတွေကို ဘယ်အချိန်စာဖတ်ပြလို့ ရလဲဆိုတော့ အိမ်က သမီးကို ကိုယ်ကတော့ ၄လလောက်ထဲက ဖတ်ပြပါတယ်ဆို ယုံကြမလား။ ဘယ်လို စာအုပ်တွေဖတ်ပြလဲဆိုတော့.. အရုပ်လေးတွေ ပါတဲ့ စာအုပ်တွေပေါ့။ အဲ့ဒီအရွယ် ကလေးတွေ အတွက် စိတ်ဝင်စားစေဖို့က အရောင်တောက်တောက်လေးတွေ ပါတဲ့ စာအုပ်တွေက သူတို့နဲ့ အသင့်တော်ဆုံးပါပဲ။ စာမပါတဲ့ ပုံတွေရေးထားတဲ့ စာအုပ်လေးတွေကို ကိုယ်အဆင်ပြေသလို ပြောပြဖတ်ပြပေးပါတယ်။ ဥပမာ.. ကြောင်ရုပ်ပုံ ပါတယ်ဆိုပါတော့ ဒါလေးက ကြောင်ကလေး သစ်ပင်ပေါ်ကို တက်လို့ပြေး.. ညောင်ညောင်အော်လို့ မေမေရှာ သနားစရာ ကြောင်ကလေးပါ ဆိုပီး.. အကြံအဖန် ပါးစပ်ထဲတွေ့ကရာတွေ နဲ့ ဖတ်ပြပေးတာပါ။ နောက် စက်ဝိုင်းပုံအရစ်ရစ်လေးတွေဆို ရစ်တယ်ရစ်တယ် လှည့်တယ်လှည့်တယ်...နဲ့ သူတို့စိတ်ဝင်စားအောင်ဖတ်ပြပေးရပါတယ်။ အဲ့ဒီအခါ သူတို့က စာအုပ်တွေ ဖတ်ချင်လာတယ်။ စာအုပ်တွေကို လှန်တယ်။ မေမေပြောသလို ကြောင်ကလေးလို အော်တယ်။ အစရှိသဖြင့် စာဖတ်ချင်လာအောင် ဆွဲဆောင်ရပါတယ်။ စာအုပ်တွေကလည်း ဈေးကြီးတဲ့အခါ ကိုယ်ပိုင်စာအုပ်တွေ ၀ယ်သလို စာကြည့်တိုက်တွေက စာအုပ်ငှားပီး ဖတ်ပြပေးပါတယ်။
ဒီမှာက ဆရာမတွေ မြို့နယ်ရှိ မိုးလုံလေလုံ ကလေးကစားကွင်းတွေဆို တပတ်မှာ ၂ခါလောက် စာဖတ်ပြပေးပါတယ်။ အချို့နေရာဆို ညနေ အိမ်ပြန်ချိန်မှာ စာဖတ်တာတို့ သီချင်းဆိုတာတို့ လုပ်ပေးပါတယ်။

အိမ်က ဘေဘီကတော့ စာဖတ်တာကို ၀ါသနာပါလာပါတယ်။ ကလေးတွေကို စာဖတ်ပြခြင်းအားဖြင့် ကလေးတွေ ဗဟုသုတ ပိုကြွယ်ဝစေပါတယ်။ ကဗျာတွေ ရွတ်ဆိုရင်း ကလေးတွေဟာ စကားပိုသွက်တယ်လို့ ထင်ပါတယ်။ အိမ်က ဘေဘီကတော့ ၂နှစ်မပြည့်ခင်ထဲက တော်တော် စကားတတ်ပါတယ်။ ကိုယ်ထင်တာတေ့ာ သမီးက ကဗျာတွေရွတ်လို့လို့ ထင်ပါတယ်။

စာဖတ်တဲ့အခါ အပြင်ကို ထွက်ရင် သမီးလေးက စာအုပ်ထဲက အကြောင်းအရာလေးတွေ ကို အပြင်မှာတွေ့ရင် သိပ်ပျော်ပါတယ်။ စာဖတ်ရင်းလဲ အမေးအဖြေလုပ်လို့ရပါတယ်။ တခါတလေ စာအုပ်ကိုင်ထားပီး သမီးလေးရေ.. ဧည့်ခန်းထဲမှာ ဘာတွေရှိလဲ သမီးစဉ်းစားပီး ပြောဆို ..သူသိသမျှပြောပါတယ်။ ဒီလိုနဲ့ စာအုပ်တွေထပ်ထပ်ဖတ်တယ်ပေါ့..။ သမီးက ခူကောင် caterpillar  လေး ကြီးလာရင် လိပ်ပြာလေးဖြစ်မယ်ဆိုတာ သိသလို လိပ်ပြာလေးတွေကြောင့် အပင်တွေ ပန်းတွေပွင့် အသီးတွေသီးတယ်ဆိုတာ သိပါတယ်။ ဒါဟာ စာဖတ်ခြင်းရဲ့ အကျိုးပါ။

သူ့အဘိုးအဘွား ဦးလေးအန်တီတွေနဲ့ စကားပြောရင်လဲ သူတတ်သလို စာဖတ်ပြသေးတယ်။ အဲ့ဒါအပြင် သူ့ကို မဖတ်ပြဖူးတဲ့ စာအုပ်တွေကိုလည်း အရုပ်ကြည့်ပီး ဖတ်ပြတတ်သေးတယ်။ လူလည်မလေးပေါ့။  စာအုပ်ထဲက ရေသူမတို့ အကြောင်းဖတ်ရင် ရေသူမက ဘယ်မှာနေလဲ ပင်လယ်ထဲမှာနေတယ်။ ပင်လယ်ကို သူတွေ့ရင် မေမေ ရေသူမလေးတွေ ရှိတယ်နော် လို့သူပြောမယ်။စာအုပ်ဖတ်ရင်း ဘာကောင်းတယ် မကောင်းဘူးဆိုတာ ရှင်းပြရတယ်။ အဲ့သည်လိုနဲ့ ကလေးတွေကို စာအုပ်လေးတွေဖတ်ပြရင်း သူတို့လေးတွေကို စာဖတ်ဝါသနာပါအောင် ဆွဲဆောင်ကြပါစို့။

ကလေးတစ်ယောက်ကို စာဖတ်ပြရတာ အင်မတန်မောပါတယ်။ ဟန်ရယ် အသံရယ် အမျိုးစုံ လုပ်ရလို့ပါ။ ကိုယ်က အင်္ဂလိပ်လိုနဲ့  ဗမာလို တစ်ခါထဲ ပြောပြဖြစ်ပါတယ်။ ဥပမာ ဘုရင်ကြိး King နဲ့ ဘုရင်မကြီး Queen တို့ castle ရဲတိုက်တို့ princess မင်းသမီးလေး တို့ prince မင်းသားလေးတို့ အစရှိသဖြင့် အင်္ဂလိပ်လို စကားလုံးလည်း ကြွယ်ဝစေပါတယ်။ သမီးလေး အင်္ဂလိပ်လို စာလုံးတော်တော်များများကို မြန်မာလိုနဲ့ တွဲသိနေဖို့ ကိုယ့်ရဲ့ ကြိုးစားမှုပါ။ သူကလည်း သင်ယူနိုင်သူဆိုတော့ ပင်ပန်းပေမဲ့ ပျော်ရပါတယ်။

သမီးလေးရဲ့ တိုးတက်မှု ၄

သမီးလေး....အခု ၇လ ခွဲ။
သူ ၅လမှာ ဘေဘီဝေါ့လ်ကာထဲချလို့ရပေမဲ့ သိပ်မကြိုက်ဘူး။ ဟော.. ၆လတင်းတင်းလဲပြည့်ရော..ဆရာမက ဝေါ့လ်ကာထဲကနေ လျှောက်တာမှ ဂျောင်းဂျောင်းနဲ့ပဲ။　အစာလဲစကျွေးပီဆိုတော့ လူကလည်းထွားလာပီ။ တဖြည်းဖြည်းနဲ့ ထိုင်တာပါ စိတ်ချလာရပီ။ ၇လပြည့်တဲ့နေ့မှာပဲ လေးဘက်ထောက်ချင်စပြုလာပီ။ ထိုင်ရက်ကနေ သူလိုချင်တဲ့ ပစ္စည်း အမှန်က သူနဲ့လက်လှမ်းမမှီတဲ့နေရာက ပစ္စည်းကို လှမ်းယူနိုင်နေပီ။ ထိုင်တယ်...ဆွဲတယ် မရရင် လက်ထောက်တယ် ဖင်ကုန်းတယ် သွားမရတော့ မှောက်ရက်ဖြစ်တယ်။ ခါတိုင်းမှောက်တာမကြိုက်တဲ့ သမီးက သူ့ဟာသူမှောက်ဖြစ်သွားတာကို မအော်ဘူး ။ မှောက်ရာက ပြန်ထတယ် ထိုင်တယ် တခါတလေ လဲတယ်။ လဲတာ ပက်လက်လှန်သွားလို့ မထနိုင်ဖြစ်မှ ကိုယ်ကထူပေးတယ်။ ဒါတောင် နာစရာမရှိရင် ကိုယ်က ရင်ထဲက စိုးရိမ်တာကို ဟန်လုပ်ပီး ပြုံးပြုံးလေးကြည့်လိုက်တယ်။ သမီး..မနာဘူးနော်...မငိုနဲ့..သမီးဖာသာ ဖြစ်တာနော်လို့ပြောရင်း ထူပေးတယ်။ တခါတလေ ကစားစရာနဲ့ ထိရိုက်မိသွားရင် နာတဲ့အခါတွေလဲရှိတာပေါ့..။ နာတယ်ဆိုရင် ကိုယ်က သမီး..မငိုနဲ့နော်..မေမေ ဥုံဖွလေး လုပ်ပေးမယ်ဆိုပီး လုပ်ပေးလိုက်တယ်။ ကံကောင်းစွာပဲ သမီးက ငိုကြောသိပ်မရှည်တတ်ဘူး။

သမီးလေးက ရှေ့တိုးတာ နောက်ပဲရောက်ရောက်သွားတယ်။ သမီးက မှောက်ရက်ကနေ တွားသွားတာလည်း မလုပ်တတ်ဘူး။ မှောက်ရာကနေ လှိမ့်ထွက်တာလဲ မလုပ်ခဲ့ဘူး။  သမီးက အခု ကိုင်ပီး သူ့ဟာသူ မတ်တပ်တော်တော်ရပ်နိုင်နေပီ။ အရင် ၄လသမီးလောက်ထဲက မအေ အကူအညီနဲ့ ရပ်ပီး ခုန်ဆွခုန်ဆွ နဲ့ သူသွားချင်တဲ့နေရာကို သွားတတ်တဲ့ သမီးလေးဟာ ဒီပုံအတိုင်းဆို သိပ်မကြာခင် လမ်းလျှောက်တတ်မယ်ထင်ပါတယ်။ ကိုယ်ကတော့ တိတ်တိတ်လေးဆုတောင်းနေမိတာက ကိုယ်တို့ရဲ့ မင်္ဂလာနှစ်ပတ်လည်မှာ သမီးလေး လမ်းလျှောက်နိုင်ပါစေလို့.... အိုး..တွေးရင်းနဲ့တောင် ရင်ခုန်ပျော်မြူးမိနေသေးပါရဲ့...။ သမီးလေး မတ်တပ်ထပီး လမ်းလျှောက်ချင်တဲ့အခါ ကိုယ်က သမီးလေးကို သမီးရေ... ဒီဘက်ခြေလေးကိုလှမ်းပီးရင် ဟိုဖက်ခြေလှမ်းဆိုပီး သမီးကို သင်ပေးတဲ့အခါ တခါတလေ သမီးလမ်းလျှောက်ဖြစ်တိုင်း အဲဒီလိုလေး လှမ်းလေရဲ့...။

ဒီလိုပဲ လေးဘက်ထောက်စပြုနေတဲ့သမီးလေးကို ကိုယ်က သမီးလေး.. ဒီမှာကြည့် တွေ့လား.. ဒီလိုလေးဘက်ထောက်ပီး ဒီလက် ကလေးရှေ့တိုး ဒီခြေထောက်ကလေးတိုး ပီးရင် ဒီဖက်လက်ကိုတိုး ဒီခြေထောက်ကို တိုး..ဒါဆိုသမီးလုပ်တတ်ပီလို့ပြောပီး..သင်ပေးပါတယ်။ ဒီလိုနဲ့ သမီးလေး... သိပ်မသွက်သေးပေမဲ့ မနေ့က စပီး ခပ်ဝေးဝေးထိ သူ့ကိုယ်ကိုထိန်းပီး သွားတတ်ပါတယ်။ သမီး ၇လနဲ့ ၈ ရက်မြောက်နေ့မှာ လေးဘက်ထောက်နိုင်ပီ။ သမီးလေးက ချော်လဲမှာဆိုးလို့ သူ့ကိုယ်သူထိန်းပီး သွားတာကလည်း ပြုံးချင်စရာလေးပါ။

သွားလည်းမပေါက်သေးဘူးဆိုပီး..စိုးရိမ်နေတာ... အခုတော့ သမီးသွားလေးတွေ ထွက်စပြုနေပီ။

သူရဲ့အောင်မြင်မှုတိုင်းမှာ ဘေးကနေ လက်ခုပ်တီးပီး အားပေးတဲ့အခါ။ သိပ်တော်တာပဲလို့ပြောပေးတဲ့အခါ ၊ သိပ်လိမ္မာတာပဲလို့ပြောတဲ့အခါတွေမှာ သမီးလေးဟာ သိပ်ကိုကျေနပ်ပျော်ရွှင်နေတတ်တာ မေမေ သတိထားမိလေရဲ့။


အခုဆို ရာသီဥတုက လည်းသာယာလာပီဆိုတော့ ဈေးဝယ်ထွက်ရတာ သိပ်အဆင်ပြေလာပီပေါ့။ သမီးလေးက များသောအားဖြင့် ပြုံးရယ်နေတာများပါတယ်။ ကိုယ်ကလည်း ငပြောင်ဆိုတော့ သမီးအတွက် အမြဲလို ခိုးခိုးခစ်ခစ် ရီစရာတွေ ဖြစ်နေသလား မသိပါဘူး။ သမီး အဲလို အသံထွက်ပီး ရယ်တဲ့အခါပဲဖြစ်ဖြစ် အသံမထွက်ပဲရယ်တဲ့ အခါပဲဖြစ်ဖြစ် မေမေကတော့ အမောပြေတာ အမှန်ပဲ သမီးလေးရေ..။ ဖေဖေကလဲ အမောပြေသတဲ့။

သမီးလေးက လေးဘက်ထောက်ပီး သူသွားချင်ရာသွားတာ မေမေ သိပ်မပင်ပန်းပေမဲ့ ဟိုဟာဆွဲပီးရပ် ဒီဟာဆွဲပီးရပ်တာ ပြုတ်ကျမှာစိုးရ်ိမ်လို့ မေမေတော့သိပ်ပင်ပန်းတယ်။ အခုဆိုသမီးက လေးဘက်ထောက်တာထက်ကို ထတာပိုအားသန်တယ်။ ထတယ် ထပီးလက်၂ဖက်လွှတ်ပီးထိန်းကြည့်တယ်။ လဲတယ်။ အဲဒါကိုပဲ သူ့မှာ မမောနိုင်မပန်းနိုင် ထပ်ခါထပ်ခါလုပ်တယ်။ အရှုံးမပေးဘူး။ မေမေ့ကိုလဲ အကူအညီမတောင်းဘူး။ မေမေက ခုထဲက သမီးကို
ကိုယ့်အားကိုယ်ကိုးဖို့ သင်ပေးနေတာ သမီးရေ..။ ဒါကြောင့် သမီးလေးက တော်ရုံတန်ရုံ နာတာလောက်ကို မငိုတတ်တော့ဘူး။ သူထိသွားရင် မအေကို လှမ်းကြည့်တယ်။ မအေက စိုးရိမ်စိတ်ကို ဖုံးပီးဖာသိဖာသာနေတော့ သူက ပြုံးတောင်ပြလိုက်သေးတယ်။

သူတခုခု အမှားလုပ်လိုက်ပီဆို မျက်လုံးလှန်ကြည့်တာကလဲ လူကြီးလေးအတိုင်းပဲ.။ သမီးလေးရေ... သိပ်ချစ်တယ်...မေမေ နမ်းမ၀ဘူး။ ဖေဖေကလည်း ချစ်မ၀ဘူး။

သမီးလေးနဲ့ အပြင်သွားရင် သမီးလေးအိပ်နေတဲ့အခါ ရှည်ပီးကော့စင်းနေတဲ့ မျက်တောင်လေးတွေရယ် သေးသွယ်ပီး ခုံးခုံးတန်းတန်းလေးဖြစ်နေတဲ့ မျက်ခုံးကလေးတွေရယ်ကြောင့် တွေ့တဲ့သူတိုင်းက..ဟယ် အရုပ်ကလေးအတိုင်းပဲ လို့ပြောကြရင် မေမေ့မှာကျေနပ်လိုပေါ့ သမီးရယ်။ တခါတလေ သမီးနိုးတဲ့အခါကျတော့ သမီးလေးရဲ့ လှပတဲ့ မျက်လုံးဝိုင်းလေးရယ်ကြောင့် သမီးကို စကားလာပြောကြပြန်ရော.. အဲ့အခါကျတော့ တခါတလေ သမီးက ပြန်ရယ်ပြတော့...အို..ချစ်စရာကောင်းလိုက်တာ ချစ်စရာလေးဆိုပီး ပြောကြပြန်ရော... သီးလေးက သူတို့တွေကို ဟိုဟာလှမ်းဆွဲ ဒီဟာလှမ်းဆွဲပြန်တော့ သမီးလေးရဲ့ လက်ချောင်းရှည်ရှည်လေးတွေ မြင်ပြန်တော့ အံ့သြကြပြန်ရော.. သမီးလေးရေ..သမီးလေးက မေမေနဲ့ဖေဖေရဲ့ အလှတွေအကောင်းတွေ အကုန်ရထားတော့ သမီးလေးက ချောချောလေးဖြစ်နေတာပေါ့..။ ဖေဖေကတော့ မေမေ့ကိုပြောတယ်.. ဆုတောင်းပြည့်သတဲ့..။ ဒါပေမဲ့ သမီးရဲ့နုတ်ခမ်းကို စူစူထားတာ..မေမေ့အကျင့်ကိုယူထားတာတော့ မေမေက သိပ်မကြိုက်ချင်ဘူး...အချစ်ကလေးရေ..

ကိုယ်ဝန်ဆောင် အတွေ့အကြုံ သင်တန်းများနှင့်ဆေးရုံတက်ခြင်း အတွေ့အကြုံ

ကိုယ်ဝန်ဆောင်နေချိန်မှာ ဒီမှာစစ်ဆေးနည်း အဆင့်ဆင့်က မှန်တာပြောရရင် ဘာတွေစစ်နေမှန်းတော့သိဘူး။ ဟီးဟီး.. သူတို့ လုပ်ခိုင်းသမျှ လုပ်လိုက်တာကြီးပါပဲ..။
ကိုယ်ဝန်ရှိစကနေ ၄လ အထိ ၁လ၁ကြိမ် စစ်ပါတယ်။ပထမဆုံးလမှာ ဆီး..သွေးနဲ့ အတော်များများစစ်ပါတယ်။ ၁လ ၁ခါကတော့ ဆီးအမြဲစစ်ပါတယ်။ ၅လနဲ့ ၇လမှာ တခါ ဆီးအပြင် သွေး၎ခါဖောက်စစ်ပါတယ်။ ကိုယ်ဝန် ၄လကျော်ပီဆိုတာနဲ့ ၁လတခါကနေ ၂ပတ်၁ခါ စစ်ဆေးမှု လုပ်ပါတယ်။ ၇ လကျော်တာနဲ့ ၁ပတ် ၁ခါ စစ်ဆေးပါတယ်။ ကိုယ်ဝန် ၃၅ ပတ်ကနေစပီး ကလေးရဲ့ နှလုံးခုန်နှုန်းကို ၁ပတ်၁ခါ နာရီဝက် တိုင်းပါတယ်။ ကလေးလှုပ်ရှားမှုကို ကြည့်တာပါ။ ကိုယ်ဝန်ဆောင်တယောက်ဟာ ၃၇ ပတ်ကျော်ရင် မွေးဖွားဖို့ အဆင်သင့်ဖြစ်နေပါပီ။ အပတ်၄၀ ဆိုရင်တော့ ပိုကောင်း တာပေါ့ နော်။ သမီးကို ၃၈ပတ်ကျော်မှာ မွေးပါတယ်။

ကိုယ်ဝန် ၅လ အချိန်မှာ စစ်ဆေးမှူကြောင့် ကိုယ်ဟာ ကိုယ်ဝန်ဆောင် ဆီးချို ဖြစ်သွားပါတယ်။ ဒါကြောင့် အစားအသောက်ကို ညှိထိန်းပီးစားရပါတယ်။ အစားအသောက်နဲ့ ကယ်လိုရီထိန်းနည်း သေချာသင်ပေးပါတယ်။ ငှက်ပျောသီး အလွန်စားတဲ့ အကျိုးကြောင့် ဆီးချိုဖြစ်သွားသလို အချိုရည်သောက်သုံးခြင်းကြောင့်လိုဆိုပါတယ်။ အဆီ မစားပဲ အကင်နဲ့အပြုတ် အပြင် မျှတအောင်အစုံစားလိုက်တဲ့အခါမှာ ကိုယ်အလေးချိန်ဟာ သိသိသာသာကျသွားပါတယ်။ ကိုယ်ဝန်ဆောင်ပီ ဆိုလျှင် ၇ ကနေ ၁၀ ကီလိုထိ တက်ပေမဲ့ ဒီမှာ ၇ အထိပဲ တက်ခိုင်းပါတယ်။ ဆရာဝန်တွေက အလေးချိန် သိပ်တက်တာမကြိုက်ပါဘူး.။

ဒီမှာ တက်သမျှ သင်တန်းတွေထဲမှာ မြို့နယ်က လုပ်ပေးတဲ့ အခမဲ့သင်တန်း တွေမှာ အစားစားပုံကိုပါ သင်ပေးပါတယ်။ အချိန်မှန် အစာစားခြင်းဟာလည်း ဆီးချိုကို ထိန်းပေးပါတယ်။ ကိုယ်ဝန်ဆောင်ပီဆိုတာနဲ့ လူတွေက ထင်နေတာ ၂ယောက်စာ စားဖို့ပါပဲတဲ့။ ဒါက အရင်က ခေတ်အောက်တဲ့ အတွေးအမြင်တွေပါ။ ခေတ်သစ်မှာ ဥရောပအနောက်နိုင်ငံ တွေနဲ့ အမေရိကန်အပါအ၀င် ဂျပန်နိုင်ငံမှာပါ ကိုယ်ဝန်ဆောင်တစ်ယောက်ဟာ သူနေ့စဉ်စားသုံးနေတာထက် ပိုပီး ဘာမှစားစရာမလိုပါဘူးလို့ ဆိုကြပါတယ်။ အထဲက ကလေးဟာ မိခင်ဆီမှာရှိတဲ့ အသွေးအသားတွေထဲက စုတ်ယူစားသုံးနေနိုင်လို့ပါပဲတဲ့။ ဒါကြောင့် ကိုယ့်ကလေးဟာ ကိုယ်အစားထိန်းလိုက်ပေမဲ့ ၃၂၀၆ ဂရမ်ရှိပါတယ်။ ကိုယ်ကတော့ သူ့ကြောင့် သွေးအားနည်းသွားပါတယ်။ ကိုယ်စားရတဲ့ အစာက မနက်စာ ပုံမှန်စားပါတယ်။ မနက်စာကို နွားနို့ ဒါမှမဟုတ် ဒိန်ချဉ် ဒါမှမဟုတ် ထမင်းနဲနဲ ဒါမှမဟုတ် ပေါင်မုန့်၂ချပ်ပါ။ မလိုင်၁လုံးပေါ့။ချိစ်လဲ ၂ပြားလောက်စားလို့ရပါတယ်။  ထောပတ်နဲ့ မယိုးနိစ် ပေးမစားပါဘူး။ မယိုးနီးစ်မှာပါတဲ့ ကီလိုရီဟာ အစားအရာတွေစားတာထက် ကီလိုရီများပါတယ်။ အသီးစားချင်ရင် ငှက်ပျောသီးတခြမ်း ဖရဲသီးတစိတ် စတော်ဘယ်ရီ၃-၄ လုံး ပေါ့။ တကြိမ်မှာ အကုန်မဟုတ်ဘူးပေါ့နော်။ ကီလိုရီတွက်ပီး စားရတာပါ တနေ့ကို ကီလိုရီ ၁၅၀၀ ထိပဲ စားခိုင်းတာပါ။ ထမင်းဆိုလည်း အများကြီး မစားခိုင်းပါဘူး။ အကြော်တွေမစားခိုင်းပါဘူး။ ဒါက စားသောက်ခြင်းဆိုင်ရာ အတွေ့အကြုံပါ။

အခြားသင်တန်းကတော့ မြို့နယ်နဲ့ဆေးရုံမှာ အမျိုးသားနဲ့တူတူတက်ရတာကတော့ ဗိုက်နာချိန်မှာ နေပုံထိုင်ပုံနဲ့ နှိပ်နယ်နည်းတွေပါပဲ။ဆေးရုံမှာ တက်ရတာကတော့ ပိုက်ပိုက်ပေးရပါတယ်။
အဲဒီ သင်တန်းမှာကတော့ ဘာတွေ သင်လဲဆိုတော့... ဗိုက်ဘယ်လိုပုံ နာတယ်ဆိုတာကနေစပါတယ်။ ဗွီဒီယိုနဲ့လဲရှင်းပါတယ်။ ဗိုက်နာတာစိတ်ပီး ၁၀ မိနစ်ဆက်တိုက်စိတ်စိတ်နာမှဆေးရုံက လာခဲ့ဖို့ လက်ခံပါတယ်။ နာလိုက်ပျောက်လိုက်ဆို မမွေးနိုင်သေးဘူးလို့ ဆိုပါတယ်။ ဗိုက်နာချိန်မှာ အသက်ရှူနည်း က အရမ်းအရေးကြီးပါတယ်။ ဖြည်းဖြည်းနဲ့ မှန်မှန် ရှုပီး ဖူးဆို အသက်ရှူထုတ်ရတာပါ။ ဗိုက်နာချိန်မှာ relax အနေအထားဖြစ်ဖို့. ကိုယ်သက်သာသလိုနေခိုင်းတာပါ။ တယောက်နဲ့တယောက် သက်သာစေတဲ့ ပုံစံက တူမှာ မဟုတ်ပါဘူး။ အဲလိုနာချိန်မှာ ခင်ပွန်းက နှိပ်နယ် ပြုစုပေးတာ ယပ်ခပ်ပေးတာ ရေတိုက်တာ အစရှိသဖြင့် ဘေးကနေ အားပေးကူညီဖို့အတွက် သင်တန်းပေးတာပါ။ ဗိုက်နာပုံ ကလေးမွေးပုံ ကလေးခေါင်းဘယ်လိုစတိုးပုံ ခေါင်းထွက်ပီဆိုတာနဲ့ ကိုယ်ကို ဘယ်လိုလှည့်ပီးထုတ်ပုံ အစရှိတာတွေကို ရုပ်ပုံအပြင် မိန်းမကိုယ်ထဲကလေးထည့်ပီးပြတာပါ။ နာမယ်ဆိုတာသိပေမဲ့ အဲဒီအနာကလွန်ရင် ချစ်စရာကောင်းတဲ့ ကလေးလေးကို တွေ့ခွင့်ရမယ်ဆိုတဲ့အတွေးနဲ့ မွေးပါလို့ဆိုပါတယ်။ အဲဒီသင်တန်းကတော့ ကိုယ်ဝန် ၃၅ ပတ်ကျော်မှ တက်ရတာပါ။

ဒီမှာက ဗိုက်နာချိန်မှာ အရေးပေါ်ကား ခေါ်ခွင့်မရှိပါဘူး။

ဆေးရုံမတက်ခင် ဆေးရုံတက်ဖို့ အဆင်သင့်ပြင်ထားရမဲ့ ပစ္စည်းတွေကို နာ့စ်မတွေက ကိုယ်ဝန်၃၅ ပတ်မှ စပြောပါပီ။ မှန်တာပြောရရင် တခါမှ မမြင်ဖူးတဲ့ပစ္စည်းများပါ။ နာ့စ်မက ပစ္စည်းနမူနာတွေပါ ပြပေးပါတယ်။
ဥပမာ..ကပ်ခွါဘောင်းဘီ..တို့ ရာသီလာရင်ခံတဲ့ဟာ အထူအကြီးစား (၁တောင်လောက်ရှိတာ)တို့ အလတ် အသေးတို့ပေါ့.နောက်ပီး မွေးရင်ဝတ်တဲ့ ဒူးလောက်ရှည်တဲ့ ရင်ခွဲထားတဲ့အကျီံတို့ပေါ့။ မြင်ဖို့မပြောနဲ့ ကြားတောင်မကြားဖူးပါဘူး။ သူတို့ပြောမှ ကမန်းကတန်းပြေးဝယ်ရတဲ့ ပစ္စည်းတွေပေါ့။ ကျန်တာကတော့ ကလေးအနှီး ကလေးဖင်သုတ်ပုဝါ နို့သုတ်ပုဝါ လူကြီးရေချိုးဖို့ တာဝါအသေးအကြီး ကိုယ်သုံးဖို့တစ်ရှူး လိပ် သွားပွတ်တံသွားတိုက်ဆေးပေါ့။ ဆေးရုံတက်လက်မှတ်တို့ကို တခါတည်းအိတ်ထဲအဆင်သင့်ပြင်ထားခိုင်းတာပါ။

ဆေးရုံမတက်ခင်မှာလဲ ဆေးရုံအခန်းအခြေအနေတွေကို ရှင်းပြပေးပါတယ်။ ဒါကဗိုက်နာခန်းပေါ့..အခန်းထဲမှာ ကုတင်၁လုံး စားပွဲ ကုလားထိုင်နဲ့ ဗိုက်နာထောက်ကူ ပစ္စည်းတွေ ရယ် ကလေးနှလုံးခုန်နှုန်းတိုင်းတဲ့ဟာရယ်ပါပါတယ်။ အဲဒိအခန်းကနေ သားအိမ် ၁၀ စင်တီပွင့်ပီဆို မွေးခန်းထဲကို ၀င်ခိုင်းပါတယ်။ မွေးခန်းထဲကိုပါ အမျိုးသား ခေါ်ခွင့်ရှိပါတယ်။ မွေးခန်းထဲက ကိရိယာတွေကို ပြပေးပါတယ်။ ပီးတော့ မွေးလာတဲ့ အခါ ကလေးကို ဘယ်လိုထားပါတယ်ဆိုတာပါ ရှင်းပြပေးပါတယ်။ ပီးတော့ မွေးပီးရင် နေရမဲ့အခန်းတွေ လိုက်ပြပေးတယ်။ အိမ်သာရေချိုးခန်းပါ လိုက်ပြပေးတာပေါ့။ ရေချိုးချိန်သတ်မှတ်ထားလို့ ချိုးချိန်မှာ ကိုယ့်ကုတင်နံပါတ်ရေးခိုင်းတာတွေကိုပါ ရှင်းပြပါတယ်။ အစားအသောက်ကိုလဲ ဘာမစားတာလဲမေးပါတယ်။ဒါတွေက ဆေးရုံမတက်ခင်မှာ ကြိုတင်ပြင်ဆင်တာတွေပါ။

တကယ် တန်း ကိုယ်ဗိုက်နာလာပါပီ... အိုးမိုင်ဒါလင်...နာ..နာ...နာ ပေါ့..။ ကို့ နာတယ်..အင့်ဟင့်ဟင့်... ဆို သူလဲ မနားတမ်း ကျောလေးကိုသပ် နှိပ်နယ်ပေးပေါ့။ နာလွန်းတာဟာ ပထမအဆင့်နာတာ ဒုတိယအဆင့်နာတဲ့အခါ ပထမဆင့်နာတာဟာ ဘာမှ မဟုတ်ပါဘူး။ သားအိမ်ပွင့်ဆေးလဲမပေးတဲ့အခါ ကိုယ်ဟာ ပြန်မစဉ်းစားချင်လောက်အောက်ကို နာလှပါတယ်။ အရပ်ကလဲ ပေမှီထောက်မှီ အင်တာနေရှယ်နယ် အာရှအရပ်ဆိုတော့...။ နေ့တွေညတွေ ပြောင်းပီး ၂ည၃ရက်ကြာတဲ့အခါမှာတော့ ရေမွှာပေါက်နေတာ ကြာပီဖြစ်တာကြောင့် နောက်ဆုံးခွဲလိုက်ရတာပါ။ ကိုယ်ဆေးရုံရောက်ရောက်ချင်းပါပဲ..ကိုယ်ပါလာတဲ့ အိတ်ထဲက အကျီတွေဘောင်းဘီတွေ ပက်တွေထုတ်ပီး နာ့စ်မက ကိုယ်တိုင်လဲပေးတာပါ။ မြန်မာပြည်က ကိုယ့်အတွက် အထူးအဆန်းပေါ့။ ထမင်းလာပို့တာလဲ နာ့စ်တွေပါပဲ။ ဗိုက်လေးလာနှီပ်ပေးတာလဲ နာ့စ်တွေပါပဲ။ အော်ဟစ်ဆူပူငေါက်ငန်းခြင်း လုံးဝမရှိပါဘူး။ အဲလို နာခန်းကလဲ အခန်းကန့်ထားတော့ အော်ချင်သလိုသာ အော်ပေတော့ပေါ့.. ချစ်ချစ်လဲ ကိုယ့်ညည်းသံကြားမှာ အရူးတပိုင်းပါပဲ။ နာပါတယ်ဆိုမှ သူက ရီစရာတွေ လာပြော ကိုယ်နာတာကို ဗီဒီယို ရိုက်ထားတာ မသိလိုက်ပါဘူး။ သမီးလေးကို ပြမလို့တဲ့။

ခွဲဖို့ ဆုံးဖြတ်လိုက်ချိန်မှာလည်း စနေမမွေးရေးအတွက် ချစ်ချစ်နဲ့ ဆရာဝန်တွေ အကျိတ်အနယ်ဆွေးနွေးရတာပါ။ နောက်ဆုံး သောကြာည ၉နာရီကျော်မှခွဲဖို့ အဆင်သင့်ဖြစ်နေပါပီ။ ခွဲခန်းထဲကိုပါ ချစ်ချစ်လိုက်လာပါတယ်။ ဆရာဝန်တွေနဲ့ မိတ်ဆက်ပေးပါတယ်။ ကိုယ့်ကိုခွဲ့မဲ့ဆရာဝန်ကိုယ်တိုင် ကိုယ့်ကိုတွန်းလှဲပေါ်တင်ပေးပါတယ်။ ဗိုက်နာခန်းက ပစ္စည်းတွေကို နာ့စ်က ဖိနပ်ကအစ သိမ်းပီး ခွဲပီးကိုယ်နေရမဲ့အခန်းဆီယူသွားပေးပါတယ်။ ခွဲခန်းထဲမှာ ခွဲစိတ်မဲ့ဆရာဝန် မေ့ဆေးဆရာဝန် အကူဆရာဝန်နဲ့ နာ့စ်၂ယောက်အပြင် ကလေးဆရာဝန်ပါ အဆင်သင့်ကြိုနေကြပါတယ်။ ကလေးထွက်လာရင် ကလေးသန့်ရှင်းရေးလုပ်ပီး အနွေးပေးတဲ့ကလေးရုံ အသေးထဲမှာ ကလေးဆရာဝန်က စောင့်နေပါတယ်။ မေ့ဆေးစပေးပါပီ... ပုဇွန်ထုပ်ကွေးခိုင်းပါတယ်။ ရင်ဗတ်ကနေ အောက်ပိုင်းအထိ ပေးတာပါ။ ထိုးပီးတာနဲ့ချက်ချင်း အောက်ပိုင်းတခုလုံး ထုံသွားပါတယ်။ ဘာမှမခံစားရတော့ပါဘူး။ ရေခဲတားတဲ့အထုပ်နဲ့ တကိုယ်လုံးကိုစမ်းပီး မေးတာပါ။ မျက်နှာနဲ့လည်ပင်းရင်ညွှန့်ကအေးတာကိုသိတာ။ မေ့ဆေးဆရာဝန်က လိုအပ်တဲ့ တနေရာစီကိုတိုင်းပီး မေးတာပါ။ ခွဲခန်းက နဲနဲပူနေတော့ ကိုယ်က ဆရာဝန်ကို ကျနော်က ပူရင် အသက်ရှူကြပ်တတ်တယ်.. အခန်းကပူတယ်လို့ပြောတော့.ကလေးထွက်လာရင် အေးလို့မရဘူးလို့ပြောပီး.. မပူပါနဲ့တဲ့ တခုခုဖြစ်တာနဲ့ ဒီမှာရှိတဲ့ အောက်ဆီဂျင်တို့ ဘာတို့ အသက်ကယ်တဲ့ စက်တွေ အများကြီးရှိပါတယ်တဲ့။ကလေးမွေးပီးမှ နဲနဲပြန်အေးပေးမယ်တဲ့။

ကိုယ့်ကို လည်ပင်းကစပီး အောက်ပိုင်းကို မမြင်ရအောင်ကာလိုက်ပါတယ်။ ကိုယ့် ခေါင်းဖက်မှာ မေ့ဆေးဆရာဝန်ကြီးက တချိန်လုံး ကိုယ်နဲ့စကားပြောပေးနေပါတယ်။ အိပ်ပျော်သွားမှာ ဆိုးလို့တဲ့။ မအိပ်ရဘူးဆိုပဲ။ ကိုယ့်အောက်ဖက်မှာ ဆရာဝန်တွေ ခွဲနေပါပီ။ ကိုယ်ပဲ မကြားလို့လား မသိပါဘူး။ စစချင်း သူတို့ အချင်းချင်း တူတူခွဲကြစို့ ဆိုတဲ့စကားကလွဲပီး ကျန်တာ ဘာမှမကြားရပါဘူး။ နောက် ကလေးထွက်ပီဆိုတာ ကြားရပီး ခနလေး ခလေးကို သန့်ရှင်းရေးလုပ်ပီးမှ ကြည့်နော်တဲ့ ။ ကလေးက ဖအေတူတဲ့။ ခွဲခန်းထဲဝင်တော့ ၉နာရီပါ။ သမီးလေးကို ၉နာရီ၃၅မိနစ်မှာ မွေးပါတယ်။ မွေးတာနဲ့ တခါတည်း နာရီမှတ်ပေးပါတယ်။ ခလေးကိုသန့်စင်ပေးပီး သမီးလေးကို လာပြပါတယ်။ သမီးဆံပင်တွေက အများကြီးနဲ့ မဲနက်နေတာပါပဲ။ သမီးလက်ကလေးကို ကိုင်ပီးကြည့်ရတာနဲ့တင် အရင်ဗိုက်နာခဲ့ဖူးတာတွေ အကုန်မေ့ပလိုက်နိုင်ပါတယ်။ သမီးကို ကလေးများအခန်း ယူသွားမယ်လို့ ပြောပါတယ်။ ၉နာရီ ၄၅ မှာ ခွဲစိတ်ခြင်းအမှူ အောင်မြင်စွာပီးဆုံးခဲ့ပါပီ။ သမီးလေးကို ယူသွားပီးတာ့ အခန်းအပူချိန်ကိုလျှော့ပေးပါတယ်။ လျှော့ပေးပီးကြောင်းလည်း ကိုယ့်ကိုပြောပါတယ်။ ကိုယ်လည်း ဆရာဝန်တွေ နာ့စ်တွေကို ကျေးဇူးတင်ကြောင်းပြောပီး ကိုယ့်ကို ခွဲတဲ့ဆရာဝန် ကိုယ်တိုင် တွန်းလှည်းကိုတွန်းပီး ခွဲခန်းထဲက ထွက်ပါတယ်။လူနာကုတင်ကို ခေါင်းကဆရာဝန်ဖြစ်ပီး ခြေပိုင်းက နာ့စ်၁ယောက်က တွန်းပေးတာပါ။ ခွဲခန်းအထွက်မှာတော့ စိုးရိမ်နေတဲ့ ချစ်ချစ်ကို တွေ့တော့ သမီးလေးကို တွေ့ပီးပလားမေးတော့ တွေ့ပီးပီတဲ့။ သူကထင်တာ သမီးကို သူအရင်တွေ့တာဆိုပီး ဂုဏ်ယူပါသေးတယ်။

ဒီမှာက ကလေးကိုရိုးရိုးမွေးရင် ၁ပတ် ခွဲမွေးရင် ၁၀ ရက် ဆေးရုံတက်ရပါတယ်။ ဆေးရုံတက်နေစဉ် ပရိုက်ဗိတ်နဲ့ အများသုံးအခန်း ဘယ်မှာနေမလဲမေးပါတယ်။ အများသုံးခန်းမှာမှ ၄ယောက်ခန်း ၅ယောက်ခန်းဆိုပီး များသောအားဖြင့် ၂ခန်းထပ်ခွဲပါတယ်။ ပရိုက်ဗိတ်အခန်းက၁ခန်းလောက်ပဲရှိတာများပါတယ်။ သူက အိမ်သာပါတွဲရက်ပါတာကိုး။ တော်ရုံလူကတော့ တယောက်ခန်း သိပ်မသုံးပါဘူး။

ဆေးရုံမှာ ဘာလို့ကြာကြာထားရသလဲဆိုတာ နောက်မှသိတာပါ။ ကလေးအတွက် စပါယ်ရှယ်လေ့ကျင့်ပေးလိုက်တာပါ။ ဆေးရုံစောင့်အိပ်ခွင့်မရှိပါဘူး။ အမျိုးသမီးတွေကြီးပဲ ဖြစ်လို့ အမျိုးသားအိမ်သာတောင် မထားပေးပါဘူး။ ဆေးတိုက်တာကအစ သူ့အချိန်နဲ့သူ နာ့စ်က လာပေးတာပါ။ ကလေးတွေကို ၃နာရီခြားတခါနို့တိုက်ဖို့ နာ့စ်တွေ က လာနှိုးပါတယ်။ နို့မထွက်လို့ နို့ကို နှိပ်နယ်ပေးခြင်းကိုလည်း လုပ်ပေးပါတယ်။ အဲဒါကတော့ ဆေးရုံတခုနဲ့မတူတာက တခါတည်းလုပ်ပေးတာနဲ့ ခနခနလုပ်ပေးတဲ့ ဆေးရုံ ကွာပါတယ်။ အစားအသောက်ကလဲ သူ့နာမည်နဲ့သူပါ။ ကယ်လိုရီ ဘယ်လောက်ဆိုတာကို ဖော်ပြပေးထားပါတယ်။ မနက်၆နာရီ နေ့လည် ၁၁ ခွဲ ညနေ၃နာရီ နဲ့ ညနေ၆နာရီ မှာ အစားအသောက်တွေကို နာ့စ်တွေက လူနာ နာမည်စစ်ပီးး ကုတင်ဘေးကို လာတင်ပေးထားပါတယ်။ ဧည့်သည်တွေကိုတော့ မနက် ၆နာရီကနေ ည၉နာရီအထိ လက်ခံပါတယ်။ အ၀တ်လျှော်စက် အခြောက်ခံစက်တွေကို ပိုက်ဆံထည့်ပီးသုံးနိုင်ပါတယ်။  အခန်းထဲမှာ လူနာကုတင်ပတ်လည် လိုက်ကာ အထူတွေကာဆီးပေးထားပါတယ်။ ကုတင်ပေးမှာ စားပွဲတလုံး ဗီဒီု၁လုံး ကုလားထိုင် ရေခဲသေတ္တာအသေး နဲ့ တီဗွီထားပေးပါတယ်။ လူနာစောင့်တို့ လူနာအတွက် ထမင်းတို့က ပူစရာမလိုအောင် အဆင်ပြေလှပါတယ်။ ဆေးရုံတက်နေစဉ်မှာလဲ ကလေးရေချိုးနည်းကို တခါ ထပ်သင်ပြပေးပါတယ်။ ဆေးရုံဆင်းကာနီးမှာတခါ ဗွီးယိုနဲ့ ကလေးအိပ်နေစဉ်မှာ အလုပ်ဘယ်လိုလုပ်ဖို့ ကလေး မွေးပီးချိန်မှာ ဘာကိုမှမတွေးဖို့ စိတ်တွေရှုပ်ရင် တယောက်တည်းမနေဖို့ ပညာပေးတာပါ။

ဒီလိုနဲ့ ကလေးတယောက်မွေးဖွားပီး ချိန်မှစကာ မိခင်တွေဟာ ၃နာရီခြား၁ခါ ပုံမှန် နို့တိုက် ။ မိခင်နို့ဆို ၂နာရီခြားတိုက်ရင်း အိပ်ရေးပျက်ခြင်းများနဲ့ ရာသက်ပန်လက်တွဲရပါတော့တယ်။ ဒီကြားထဲ ကလေး မအိပ်ရင်.. ကိုယ်ပါမအိပ်ပဲ ကျော်ဖြတ်ရပြန်ပါတော့တယ်။

သည်းခံပါ။ အပိုင်းပိုင်းကို ကလေးတဖက် အိမ်အလုပ်တဖက်နဲ့အကြာကြီးရေးထားတာပါ။ စာလာဖတ်သူ ကော်မန့်ပေးသူများအားလုံးကို ကျေးဇူးတင်ပါတယ်။

သမီးလေး..ဖတ်ဖို့ ၂

ဖေဖေါ်ဝါရီ ၁၀ ရက် ..သမီးလေး လက်ခုတ်စတီးတတ်သော နေ့။

သားသမီးတွေဟာ မိဘတွေကို ရွေးချယ်ပိုင်ခွင့်မရှိသလို မိဘတွေဟာလည်း သားသမီးတွေကို ရွေးချယ်ပိုင်ခွင့်မရှိဘူးတဲ့... ။ ဒီစကားရဲ့ ဦးတည်ရာဟာ.. တကယ်တော့ မကောင်းတဲ့မိဘတွေရရှိထားတဲ့ သူတွေအတွက် နဲ့ မကောင်းတဲ့သားသမီးတွေ ရထားတဲ့ မိဘတွေအတွက်လို့ ထင်ပါတယ်။

မိဘတိုင်းကောင်းတာကြီးပဲ မဟုတ်သလို သားသမီးတိုင်းလည်း ကောင်းကြတာ မဟုတ်ဘူး...အမြဲ အကောင်းအဆိုး ဒွန်တွဲ ရှိနေဦးမှာပဲ ။

ကိုယ်တိုင်မိဘ ဖြစ်လာမဲ့သူတွေ ..မိဘဖြစ်နေသူတွေဟာ... ကိုယ်တိုင်ခံစားခဲ့ဘူးတဲ့ ခါးသည်းတဲ့ အတွေ့အကြုံတွေထဲက ကိုယ့်သားသမီးတွေကို အကောင်းဆုံးပေးပါ။ တတ်နိုင်သမျှ ကာကွယ်ပါ။ နည်းမှန်လမ်းမှန် ချစ်တတ် ကာကွယ်တတ်ကြမယ်ဆိုရင်.. သားသမီးတွေရဲ့ ဘ၀ဟာ အေးချမ်းနိုင်မှာပါ။ သားသမီးတွေကို မျက်ကန်းချစ် ချစ်ပီး နည်းမှားနဲ့ ကာကွယ်ပေးနေတဲ့ မိဘတွေ အားလုံး သတိလေးနဲ့ ဆိုဆုံးမပေးနိုင်ရင် ကောင်းမယ်လို့ထင်ပါတယ်။

သမီးလေးအတွက် ကိုယ်ဟာ အကောင်းဆုံးဖြစ်စေချင်တယ်။ သမီးလေး ပြုံးနေတာပဲ မြင်ချင်တယ်။ သမီးလေး ကို ကြေက်ရွံစေခြင်း ထိတ်လန့်တတ်စေခြင်း ၀မ်းနဲငိုရှိုက်တတ်စေခြင်းတို့ကို ကိုယ့်ဘဝ တသက် လုံးဝမပေးဖို့ ကြိုးစားနေမှာပါ။ အသိနဲ့ သတိနဲ့ကပ်ပီး သမီးလေး အတွက် အမြဲကြိုးစားသွားမယ်။အဲ့ဒီအတိုင်းလဲ လုပ်ဆောင် နေတယ်။ သမီးလေးရဲ့ အတွေးမှာ... မေမေ့အတွက်ကြောင့် ငါ့ မိဘရ ကံမကောင်းလေခြင်းဆိုတဲ့ အတွေး ဘယ်တော့မှ ၀င်မလာစေရဘူး... သမီး။
သမီးလေးအတွက် ငယ်ငယ်တုန်းက ကိုယ်တွေမိဘတွေဆီက ရလာတဲ့ ကောင်းခြင်းတွေ မှန်သမျှ အကုန်ဖြည့်ဆည်းပေးပီး.. ကိုယ်မကြိုက်တဲ့အချက်တွေကို ရှောင်ရှားပီး တတ်နိုင်သမျှ ကောင်းမယ်ထင်တာတွေကို သမီးအတွက် ညွှန်ပြပေးမယ် ။  သမီးအတွက်ပဲ မေမေ အကောင်းဆုံး လုပ်ပေးမယ်။ သမီးလေး စိတ်အနာရမှာတွေ စိတ်ဒဏ်ရာ ရစေမှာတွေကို မေမေ လုံးဝ မလုပ်ဘူး။ ဒါ..သမီးလေးအတွက် မေမေ့ဆုံးဖြတ်ချက်ပဲ။  သမီးလေးအတွက် တသက်တာ လက်ဆောင်ဆိုလဲ မမှားဘူး။ ဘာကိုပဲ လုပ်လုပ် သမီးအတွက် ဆုံးဖြတ်ပီး လုပ်မယ်။ သမီးကို မနာကျင် မထိခိုက်စေချင်ဘူး။ ကိုယ်လိုချင်လို့ ယူထားတဲ့ ကိုယ့်သမီးအတွက် အရာရာကို ရင်ဆိုင်ဖို့ မေမေ အမြဲ အဆင်သင့်ပဲ...

သမီးလေးဖတ်ဖို့..၁

ဘလော့လေးကို သမီးလေးအကြောင်းရေးပီး....ဖုန်ခါလိုက်ပါဦးမယ်။


သမီးလေး...ရယ်။
မေမေ မလုပ်သင့်ဆုံး အလုပ်ကို လုပ်လိုက်မိတာကတော့ သမီးလေးမွေးမွေးခြင်း သူ့အဘွား သူ့ဖေဖေရဲ့အမေ ဒီကိုလာခြင်းကို လက်ခံလိုက်ခြင်းပါပဲ။ အဲ့ဒီနောက်ဆက်တွဲ က သူ့အဘွားပြန်ပီးတာတောင် သူ့အဖေနဲ့ခဏခဏ တကျက်ကျက် ပိုဖြစ်စေပါတယ်။ မှန်တဲ့အတိုင်း ပြောရရင်တော့... အိမ်ထောင်ရေးဆိုတာကို စိတ်ကုန် စိတ်ပျက်တဲ့အထိပါပဲ။သမီးလေးရေ.......အဲ့ဒီအတွက် မေမေစိတ်မကောင်းပါဘူး။ မေမေ ခဏခဏတွေးတာက သမီးလေးနဲ့တူတူ တနေရာရာကို ထွက်သွားဖို့ပါပဲ။ အဲလိုတွေးမိတိုင်း သမီးလေးကို သနားမိသလို သူ့အဖေကိုလည်း အချစ်ကမကုန်သေးပြန်ဘူး။ အဲဒီလိုနဲ့.... သမီးလေးမွေးပီးကတည်းက သမီးလေးကြောင့် ပျော်ရွှင်ရတာကလွဲလို့ ကျန်တဲ့နေရာတွေ မေမေ မပျော်ဘူး...သမီးရယ်။
သမီးဖေဖေစိတ်ထဲမှာ..ရှိနေတဲ့သူ့အမေနဲ့မေမေ မတည့်တာတွေက သူ့ရင်ထဲဖုနေတော့ စကားပြောရတာ ၁၀ခွန်းပြောရင် ၁၁ခွန်းအဆင်မပြေဘူး..သမီးလေးရေ... မေမေသိပ်စိတ်ညစ်တာပဲ။ ဒါပေမဲ့ သမီးလေးမျက်နှာတွေ့တော့လည်း မေမေ အဲ့ဒါတွေ မေ့သွားပြန်ရော...။

သမီးလေးရေ...
မေမေလေ..သမီးလေးကို မွေးပီး ဆေးရုံကဆင်းတာနဲ့ အိမ်ရောက်ကတည်းက ဒီနေ့အထိ တစက်မှမနားရဘူး..သမီးလေးရေ...။
 အဲဒီအတွက်  မေမေစိတ်ဆင်းရဲတယ်လို့ သမီးမထင်နဲ့နော်။ သမီးအဘွားပြန်သွားမှ မွန်းကျပ်နေတဲ့စိတ်တွေ ကင်းလွတ်သွားလို့ အဲ့ဒီအချိန်ကစလို့ပျော်ပါတယ်..သမီးလေး.. တခါတလေတော့လည်း ဖေဖေ့ကြောင့်စိတ်ညစ်ရတာကလွဲလို့ပေါ့...။

သမီးလေးရေ... သမီးအဘွားပြန်သွားပီး နောက်နေ့လည်းကျရော..မေမေ့နို့တွေ ထွက်ရော..သမီးလေးရေ..။ အံ့သြစရာနော်။ အဲ့ဒီမတိုင်ခင် မေမေဘယ်လိုစွတ်ပြုတ်တွေ အရည်တွေသောက်သောက် နို့မထွက်လာဘူး။ သမီးဖေဖေကတော့ ပြောပါတယ်။ အိပ်ရေးမ၀ အစားမစား  stress တွေများရင်လဲ မထွက်ဘူးတဲ့။ သိပ်မှန်တာပဲ..သမီးလေးရေ..။

သမီးလေးကို မေမေနို့ဗူးတိုက်တိုင်း..မေမေ့နို့ကိုပုတ်ပီး..ဒါသမီးလေးပိုင်တယ်..
သမီးနို့နို့ကြီးလို့ပြောပေးတဲ့ အကျိုးတွေလည်းပါမယ်ထင်တယ်..သမီးရေ..။ နောက်ပီး..မေမေ့မှာ.. အခန်းထဲမှာတိတ်တိတ်လေး မေမေ့နို့ကို ထွက်သလောက်ညှစ်..ပီးသမီးလေးကိုတိုက်။တိုက်တိုင်းလဲ သမီးလေးကို..မေမေ့ချိုချိုလေးက အရသာရှိတယ်နော်...လို့ပြောပီးတိုက်။ သမီးသောက်လိုက်လို့ရှိရင်လဲ..သမီးလေးကို..အရသာရှိတယ်နော်သမီးလေး..လိမ္မာလိုက်တာဆိုပီးပြောတာ
တွေကြောင့်ထင်တယ်နော်...သမီးလေး။

သမီးလေးကိုချေးပါ သေးပေါက် အဝတ်လျှော် သမီးဝေရာဝစ္စတွေ အားလုံး မေမေပဲအကုန်လုပ်သွားတာ မေမေဆေးရုံကဆင်းကတည်းက ပဲ သမီးလေးရေ..
ဖေဖေက သူအားတဲ့အချိန်မှ သမီးလေးကို  ချီ..ဆော့ ရေချိုး..ချေးပေအ၀တ်လဲပေးနိုင်တယ်..သမီးလေး.. ဖေဖေ့ကို အပြစ်မမြင်နဲ့နော်..ဖေဖေက သမီးလေးစားဖို့အတွက် ပိုက်ဆံတွေသွားရှာရတယ်လေ..သမီးလေးရဲ့။ ဖေဖေလဲ စိတ်ရော လူရော ပင်ပန်းရှာတယ်..သမီးလေးရေ.။
တခါတလေတော့..သမီးအဘွားရှိတုန်းကတော့ မေမေဈေးသွားချိန်ဆို သမီးလေးအတွက် နို့ဗူးအဆင်သင့်ဖျော်..သမီးလိုတာတွေအားလုံးလုပ်ပေးပီးမှ မေမေဈေးထွက်ဝယ်ရတယ်..
သမီးလေးရေ..။ သမီးကို သမီးအဘွားက ကြည့်ပေးတယ်လေ..။ အခုတော့ မေမေနဲ့ သမီးကိုယ်တိုင်ထွက်တာပေါ့နော်။
သမီးကို အဘွားက လက်ကမချချင်ဘူး ချီချင်တယ်..သမီးရေ။ သမီးနဲ့သမီးဖေဖေကိုတော့ သမီးအဘွားက ချစ်ပါတယ်..သမီးလေးရေ. ဖေဖေအားရက်ဆို သူကိုယ်တိုင် သမီးအဖေ စားချင်တာ ချက်ပေးတယ်..သမီးလေးရေ..။

သမီးလေးရေ...
သမီးလေးကြီးလာရင်လေ... ဟန်ဆောင်မှူကင်းတဲ့ စကားလုံးတွေသာ ပြောတတ်အောင်မေမေသင်ပေးမယ်နော်။ ဒါပေမဲ့ မေမေ့လို ထိပ်တိုက်မတိုးအောင် တခါတလေ နုတ်ပိတ်ပီးနေလိုက်ပါ သမီးရေဆိုပီး.. သမီးလေးကို မေမေပြောချင်တယ်..သမီးလေး..။
သမီးလေးရေ... စိတ်ထားကောင်းကောင်းထားပါလို့ မေမေ ပြောချင်ပါသေးတယ်။ သူများအထင်ကြီးအောင် တော့ အပေါ်ယံ စိတ်ထားကောင်းခြင်းတွေ ရှောင်ပါ..သမီးလေးရေ..။