အဲ့ဒီနေ့ကပေါ့.. သရက်ချဉ်သုတ်၊ ပဲနီလေးဟင်း နဲ့ ဘာများချက်ရင် ကောင်းမလဲလို့ ထုံးစံအတိုင်း အကြံဥာဏ် တောင်းဖြစ်တော့ ဝက်သားနီဟင်းချက်ဖို့ ဖြစ်လာတယ်။ ဟမ်.. ဝက်သားကုန်းဘောင်ဆိုပီး ဘယ်လိုလုပ် ဝက်သားနီဖြစ်လဲလို့ စဉ်းစားနေလား။ မတွေးပါနဲ့ ဆက်ဖတ်လိုက်ရင် အဆင်ပြေသွားပါလိမ့်မယ်။
ဝက်သားနီဆိုတော့ အာရုံမှာ ရေးရေးပေါ်လာတာက လွန်ခဲ့တဲ့ ဆယ်စုနှစ်၁ခုလောက်က သူငယ်ချင်းအဆောင်ကို လိုက်သွားတော့ သူချက်ကျွေးရင်း ပြောတာက ဝက်သားကို ချခါနီးမှာ သကြားထည့်ရင် ဝက်သားလေးကနီသွားတယ်တဲ့။ အဲဒါကို ဝက်သားနီချက်လို့ ခေါ်သတဲ့။ ဒါမဲ့ ချက်မဲ့နေ့က သူငယ်ချင်း ကိုမေးတာကျတော့ သူက မန်ကျည်းသီးထည့် မထည့်ချင် ခရမ်းချဉ်သီးထည့်တဲ့။ ရမ်းသမ ဆရာမကြီး တွေးရပီပေါ့။ ဒါနဲ့ အွန်လိုင်းကိုလဲ မပယ်နဲ့ ဆိုတဲ့ စကားအတိုင်း အွန်လိုင်းမှာ ဟိုဒီမွှေနောက်တော့ တွေ့ပါတယ်။ သုံးထပ်သားကြီးကို ဝက်သားနီချက် ချက်နည်းတွေ။ အင်း..ဒီတော့ ကိုယ်လဲ ရောသမနည်းနဲ့ချမဟဲ့ ဆိုပီး ရေခဲသေတ္တာကို အဖွင့်မှာတော့ ကျန်ရှိနေတဲ့ ဝက်သားက လက်သီးဆုပ်ကလေး လှမ်းပြတယ်။ နင်ချက်ချင်တဲ့ ဝက်သားနီတော့ မရဘူးဟေ့။ လှီးလိုက်ရင် ၄တုံးလောက်ရမဲ့ဟာဆိုပီး လှောင်နေတော့ ဒီကလဲ ဘာရမလဲ စိတ်နာနာနဲ့ ဝက်သားနီတော့ မချက်ဘူး နင့်ကို ကုန်းဘောင်ကြော် လုပ်မဟဲ့ဆိုပီး စိတ်ကူးကို ရုတ်ချည်းပြောင်းပစ်လိုက်တာပေါ့။ ဒီလိုနဲ့ ကိုယ်ချက်မဲ့ဟင်းက ဝက်သားကုန်းဘောင်ကြော် ဖြစ်သွားလေရဲ့။
အမှန်ဆို ဝက်ကုန်းဘောင်ဆိုတာ အသားကြီးပဲ ကြော်တာ တွေ့ဘူးတာပဲ။ (ဆိုင်မှာစားရတာ ပြောတာ)
ကိုယ့်ဝက်သားက ၃ထပ်သားကို မျက်စိမှိတ်ပီး ကုန်းဘောင်လုပ်တာ ။ ဘာဖြစ်လဲ။ ငါ ဗိုလ်ပဲ။လာထား... ဘီလိုချက်ရပါ့ဆိုပီး.. ရှေးထုံး..အဲ အွန်လိုင်းကို မပယ်ပဲနဲ့ ရှာလိုက်တော့ တီတီဆွိ ရဲ့ကြက်သား ကုန်းဘောင်ကြော် သွားတွေ့လေရဲ့။ သူလို အကုန်တော့ မတူပေမဲ့ ဘာကိုလုပ်လုပ် စုတုပြု ပညာရှင်ပီပီ ရမ်းသမချက်ပါတော့မယ်။
ဝက်သားတွေကို အနေတော် လက်သန်းတဆစ်စာလောက် ဖြတ်လိုက်ပါတယ်။ ထုံးစံအတိုင်း ဆားဆနွင်းနယ်ပါတယ်။ ပီးတော့ အသီးအရွက်ဘာရှိလဲ ကြည့်လိုက်တော့ မုန်လာဥနီရှိတယ်။ ခြံထဲက ကြက်သွန်မြိတ်ရယ်ပေါင်းတော့ အိုကေပီပေါ့။ ငရုတ်သီးအခြောက်ကိုလဲ ဆီနဲ့လှိမ့်ဖို့ ထုတ်လိုက်တယ်။ တီဆွိကတော့ သူက ဆော့စ်ကို သတ်သတ်လုပ်တယ်။ ကိုယ်ကတော့ ကိုယ့်မှာရှိတဲ့ဟာနဲ့ ဖြစ်သလိုလုပ်ပါတယ်။ ကိုယ့်ရဲ့ဆော့စ်ကတော့ ပရိုတွေ ကြားရင် ဖျားသွားမယ်ထင်တယ်။
ပထမဆုံး ကော်မှုန့်ကို အရည်ဖျော် ပဲငန်ပြာရည် အကြည်လေးနဲနဲထည့် သကြားထည့် ပီး ဆားဆနွင်းနဲ့ မိနစ်၂၀လောက်နှပ်ထားတဲ့ ဝက်သားကို နယ်လိုက်ပါတယ်။
မုန်လာဥနီကို မကြီးမငယ် အချောင်းလေးတွေ တုံးလိုက်ပါတယ်။ ကြက်သွန်မြိတ်ကိုလဲ လက်ဆစ်လောက်လေးတွေ ဖြတ် လိုက်ပါတယ်။ ကြက်သွန်နီကိုလဲ လေးထောင့် အနေတော်လေးဖြစ်အောင်လှီးလိုက်ပါတယ်။
ချက်ပါတော့မယ်။
ပထမ ငရုတ်သီးကို ကြော်ပါတယ်။ နောက်တော့ ဆီထပ်ထည့်ပီး ဂျင်းအနည်းငယ်ကို ချေပီးထည့်လိုက်ပါတယ်။ပီးတော့မှ ဝက်သားထည့်ပါတယ်။ မီးမြှင်းမြှင်းနဲ့ ဝက်သားကို လှိမ့်လိုက်ပါတယ်။ ခနနေတော့ မုန်လာဥနီကိုထည့်ပါတယ်။ နောက်ခနထပ်နေတော့ ကြက်သွန်နီထည့်ပါတယ်။ အရသာမြည်းပါတယ်။ အိုကေပီဆိုတာနဲ့ ..ဝက်သားလဲ နူးပီထင်တာနဲ့ ခရုဆီကို အပေါ်ကဆမ်းလိုက်ပါတယ်။ ပီးလဲပီးရော မွှေပီးတော့ နောက်ဆုံးချခါနီးမှ ကြက်သွန်မြိတ်နဲ့ သီဟိုဋ်စေ့ကို ထည့်ပီး မီးပိတ်လိုက်ပါတယ်။
မထင်မှတ်ပဲ တကယ်စားကောင်းပါတယ်။
သူကလဲ ပြောတယ်။ စားလို့ကောင်းတယ်တဲ့း)
သရက်ချဉ်၊ ကြက်သွန်နီ ၊ ပုစွန်ခြောက်မှုန့် ၊ ငရုတ်သီးစိမ်းပါးပါးလှီးပီးဆီစိမ်းဆမ်း၊ ပဲမှုန့်နဲနဲထည့်ပီး နှမ်းထောင်းလေးဖြူးတော့ ဆားလို့တော့ ကောင်းသားပါပဲ။
ပဲနီလေးဟင်းကတော့ အလွယ်ချက်ချင် အဲ့ဟင်းကို အရည်သောက်ချက်တာ များတယ်။ အခုတလောတော့ ကိုယ့်ချစ်ချစ်က ငရုတ်ရွက် ကြိုက်တယ်ဆိုတာနဲ့ ပဲနီလေးဟင်းထဲ ငရုတ်ရွက်တွေ ခပ်ခပ်ထည့်နေတာ ငရုတ်ပင်လဲ တရုပ်တွေ မြန်မာမြေကို တစစီဖဲ့နေသလိုပဲ အပင်လေးလဲ ကြည့်မကောင်းချင်တော့ဘူး။ငရုတ်ရွက် စားကောင်းသတဲ့။ စမ်းကြည့်ပေါ့နော်။
မှတ်ချက်။ဟင်းချက်နည်းများမှာ ရမ်းသမများ ဖြစ်၍ မေ့မှာဆိုးလို့ မှတ်တမ်းတင်ခြင်းဖြစ်ပါသည်။ ဒါမှ နောက်ခါ ပြန်ချက်ရင် ကြည့်ဖို့ပေါ့။
No comments:
Post a Comment