Friday, May 16, 2014

သမီးလေးရဲ့ တိုးတက်မှု ၆

သမီးလေး...ဒီနေ့ ၉လပြည့်ပါပီ...။

သမီးလေးစကားတွေ အရမ်းပြောတာပဲ။ မအေက ဒါဆို သူကပါ...ဘာတွေပြန်ပြောမှန်းမသိဘူး။ တနေ့တော့ သားအမိသားအဖသုံးယောက် ဖရဲသီးစားနေတာ...သူအသံမူမမှန်သလိုဖြစ်လို့ ကိုယ်က r u ok?? r u ok??လို့မေးလိုက်တာ... သူက okပါ လို့ပြန်ဖြေသလို ကြားလို့ ယောက်နဲ့ ကိုယ်နဲ့ မျက်လုံးပြူးပီး.... ကို..ဘာကြားလိုက်လဲမေးတော့..သူက အိုကေပါ လို့ပြောတာကြားသတဲ့ ကိုယ်လဲကြားတယ်ဆိုတော့ နှစ်ယောက်သား ရီလိုက်ရတာ..။

သမီးက စတော်ဘယ်ရီသီးလဲ ကြိုက်တယ်။ ကိုယ်တိုင်လက်နဲ့ကိုင်စားတာ..တထိုင်တည်း ၃လုံး။ ဒါတောင် ဆက်မပေးတော့လို့။ သမီးက အချဉ်ကြိုက်ပုံရတယ်။ ဟိုတနေ့က စားသောက်ဆိုင်မှာ သံပုရာသီးကြုံတာနဲ့ ကျွေးလိုက်တာ... လားလား...သူက ထပ်တောင် တောင်းသေးတယ်။ အမှန်က ယောက်နဲ့ကိုယ်က သမီးလေးကို သံပုရာသီး ကျွေးရင် ဗွီဒီယို ရိုက်မလို့ဟာ..သူက မျက်နှာတောင်မရှုံ။ အခု စတော်ဘယ်ရီလည်း ချိုချဉ်ကို စားတယ် ။

ဟိုနေ့က ကြက်ပေါင်းလည်း မမွှေပဲ သေးသေးလေးတွေ လုပ်ပေးတာ သူက၀ါးစားတယ်။ သူ့သွားလေး ၂ချောင်းနဲ့။ အခု ကြုံရင်ကြုံသလို ငါးပေါင်းလည်းကျွေးတယ်။ ကြိုက်မှကြိုက်ပဲ။ သူမကြိုက်တာ ရေတစ်ခုပဲ။ တိုက်ရ တော်တော်ခက်တယ်။

စကားတွေဆိုတာလည်း ဘာပြောနေမှန်းမသိဘူး။ ရီလည်းရီရတယ်။ တခါတလေ..သူ့ကိုဒါမလုပ်နဲ့ မကိုင်နဲ့ပြောရင် ကိုယ့်ကို ဘာတွေပြန်ပြောနေမှန်းမသိပါဘူး။ ကိုယ့်မျက်မှန်ကို လာလာချွတ်လို့ မချွတ်နဲ့ပြောလည်းမရဘူး။ မျက်မှန်ကိုယူပီး စကားတွေပြောတာ...ကိုယ်က မျက်နှာထားနဲ့ ပြန်တောင်းတော့ ပေးတယ်။ ယောက်ကတော့ ပြောတယ်။ စတာနေမှာတဲ့..။ 

ညညဆိုလည်း အိပ်ရင် တော်တော်နဲ့မအိပ်ဘူး။ စကားတွေပြောလိုပြော။ကိုယ်ကမီးတွေအားလုံးပိတ်လိုက်ရင် သမီးလေးက ကုတင်ခေါင်းရင်းကို သွား လိုက်ကာကိုဖွင့် ရင် ခြံထဲက အလင်းရောင်က ၀င်တာကိုး။ အစကတော့ ကိုယ်ဟန့်သေးတယ်။ နောက်ကျတော့ ထားလိုက်တယ်။ သူ့ဘာသူ ဆော့ရင်း ၁၅ မိနစ်လောက်နေတော့ ရဲဘော်လေး ကျဆုံးသွားပီး လာအိပ်တာပေါ့။

ကုတင်ခေါင်းရင်းကနေ ကုတင်နောက်ကို ပြေးသွားတာများ မြန်လိုက်တာ။ သူက ရိုးရိုးမပြေးဘူး မအေကို လှည့်ကြည့်တာ။ မအေက ကျမှာဆိုးလို့ လိုက်ဆွဲတာ ကို သူကပျော်နေတာ။ ကုတင်အောက်တော့ မဆင်းဘူး ..အစပ်မှာ မတ်တပ်ရပ်တာ။ ဟိုနေ့က ပိုသေချာသွားတယ်။ ကုတင်ဒီဘက်က တံခါးကို ပိတ်ထားတော့ သူမအေကိုကြည့်ပီးလေးဖက်ပြေးတယ် ကိုယ်တို့၂ယောက်က သူ့ကြည့်ပီးရီရတယ်။

သမီးလေးက ဇွဲတော့ကောင်းမယ်ထင်ပါရဲ့။ မတ်တပ်မရပ်ခင်တုန်းက သူမတ်ရပ်နိုင်ဖို့ အကြိမ်ကြိမ်ကြိုးစားတာ။ လုံးဝ လက်မလျှော့ဘူး။ အခုတော့ ကောင်းကောင်းရပ်တဲ့အပြင် ၁လှမ်း၂လှမ်း လှမ်းတတ်နေပီပေါ့...။

သမီးမကြိုက်တဲ့ အစာကလည်း ခပ်ရှားရှားပါပဲ။ ကျွေးသမျှအကုန်စားပဲ။ ခရမ်းချဉ်သီးလဲကြိုက်တယ်။ သူစားတဲ့အခါ စိတ်ကျေနပ်ရင် လက်ခုပ်ကလေးတီးသေးတာ....တခါတလေကျတော့လည်း အံကလေးကျိတ်ပီးအသံထွက်အော်သေးတာ..အသဲယားတဲ့ပုံစံနဲ့ပေါ့...။

ရေချိုးတဲ့အခါ ရေပန်းကိုသူက ကိုင်ရမှ ကျေနပ်တယ်။တခါတလေ သူ့ကို သူ့ဖေဖေနဲ့ထားပီးကိုယ်တယောက်တည်းချိုးရင် အပြင်ကနေတံခါးကို လာထုသေးတာ...။

သမီးလေးက တံခါးတွေကိုလည်း ဖွင့်ချင်သေးတာ...။ အခုဆို ရှိသမျှအခန်းတိုင်း သူဝင်တယ်ထွက်တယ်။ ကိုယ်လည်း တော်တော်ရှင်းရပါတယ်။ သေးသေးလေးတွေကို လိုက်ကိုင်ပီး ပါးစပ်ထဲထည့်လွန်းလို့။ သတိလေးတချက် လွတ်တာနဲ့ သွားပီ။ တစ်ရှူးဆိုလည်း အလိပ်လိုက်ကို ဆွဲဖြန့် ပီးဖွတာ။ တော်သေးတယ်...ပြောထားလို့ ပါးစပ်ထဲတော့မထည့်ဘူး။ ကိုယ်က သမီးပါးစပ်ထဲထည့်ရင် ပြန်သိမ်းမယ်လို့ ပြောပီး တကယ်ပြန်သိမ်းလိုက်တာကိုး...မစားရင်တော့ ခနလောက်ဆော့ချိန်ပေးလိုက်တယ်။ အကျီဆိုလည်း ခေါက်ထားသမျှ သူကဖွပဲ။ အံဆွဲတွေဖွင့် သတိတချက်လွှတ်တာနဲ့ ပွပီးသားပဲ...။ သူကလည်း ရီရတယ်။ သူအဲလိုလုပ်ရင် ကိုယ်မကြိုက်ဘူးဆိုတာသိနေတော့ ကိုယ့်မျက်နှာကိုကြည့်ပီး မှ မဟုတ်တာအကုန်လုပ်တာဆိုတော့ တခုတော့ အဆင်ပြေတယ်။ အသိဦးတယ်ပေါ့..။

ဟိုးတနေ့ကတော့ တခါ မုန့်ထုပ်ကပလပ်စတစ်အစကို ပါးစပ်ထဲထည့်ပီးဝါးတာ..။ ကိုယ်က ဘာမှန်းမသိဘူး။ တခုခုတော့ ပါးစပ်ထဲမှာပဲဆိုပီး အမျိုးစုံထုတ်တာ။ မရဘူး။ ပါးစပ်ကို ဘယ်လိုမှ မဖွင့်ပေးဘူး။ ကိုယ့်မှာဘာလုပ်ရမှန်းကိုမသိဘူး။ ထောင်ပဲထားရတယ်။ နောက်မှ သူတချက် ပါးစပ်အဟမှာ အတင်းလက်နှိုက်လိုက်မှ ပလပ်စတစ်ဖြစ်နေတာ...။

ကြော်ငြာဆိုလည်း ဘာကြိုက်သလဲမမေးနဲ့..။ သူ ၃လ ၄လထဲက အတော်ကြိုက်တာ.။ ကြော်ငြာလာချိန်များ ဆို ကိုယ့်နောက်မလိုက်ဘူးနော်..လိုက်ဖို့တန်းလန်းနဲ့ကို..။ မီးဖိုထဲရောက်နေရင် ကြော်ငြာသံကြားရင် ပြေးကြည့်သေးတာ..။ အိပ်ချင်နေရင်တောင် မျက်လုံးစဉ်းပီး ခေါင်းထောင်ထသေးတာ...။ နောက်တခုသူကြိုက်တာ..သီချင်းနဲ့ကနေတာမြင်ရင်...။

သမီးလေးနဲ့ကိုယ် တအိမ်လုံးကိုပတ်ပီးတူတူပုန်းလို့ရပီ။ သူလိုက်ရှာတတ်တယ်။ လူလည်လေး...အသံကြားရင် ကြားတဲ့နေရာကိုလာတာ။  တခါဆို တခါ မှတ်ထားတတ်သေးတယ်။ သူ့ကို ပေးမ၀င်တာ...အ၀တ်လျှော်စက်ထားတဲ့အခန်း။ အဲဒီတော့ တံခါးလေးဖွင့်ထားတာ မြင်တာနဲ့ အလစ်ပဲချောင်းနေတာ..၀င်ဖို့..တခါတလေ တံခါးလေး လက်တထောက်စာဟထားမိရင် သူ့လက်နဲ့သွားဆွဲဖွင့်ပီး ၀င်သေးတာ..။

အခုလိုရေးနိုင်ဖို့ သူအိပ်နေတာ ကျေးဇူးတင်ရတယ်။ ဘာလို့ဆို အကုန်လျှောက်ရိုက်နေလို့...ပေါ့။ အခုတော့ ကိုယ့်မှာ သူ့ပဲကျေးဇူးတင်နေရတယ်။ သူအဆင်ပြေမှ ကိုယ်လုပ်နိုင်တာကိုး...။

မီးဖိုထဲမှာ ချက်ရင်လည်း သူပါချင်တယ်။.....ရေးမယ်ဆို ကုန်နိုင်ဘူး။
သမီးလေးကို မေမေ သိပ်ချစ်တာပဲ....။ မေမေ့ဘ၀တွေ ခနရပ်ထားရပေမဲ့..သမီးနဲ့ တောက်လျှောက် သမီးဘေးမှာ ဖေးမနေရတဲ့အတွက်ပျော်ပါတယ်။ ဖေဖေ့ကိုလည်း ကျေးဇူးတင်ရမယ်နော်...သမီးလေးရေ..။

Thursday, May 8, 2014

သမီးလေးရဲ့တိုးတက်မှု ၅

အချိန်တွေ တကယ်ကုန်မြန်လှပါတယ်.... ဘာလိုလိုနဲ့ သမီးလေးတောင် ၈လကျော်လို့ ၉လထဲရောက်နေပါပီ။ သိပ်မကြာခင် ၉လပြည့်တော့မှာပါ။

သမီးလေး.. ၂လခွဲမှာ ခေါင်းစခိုင်ပီး ၃ လမှာ မှောက်တတ်ပါတယ်။ ဒါပေမဲ့ မှောက်တာ တတ်တော့ မမှောက်ချင်ပါဘူး။ ၄လမှာ ထိုင်နိုင်နေပါပီ။ ၅လမှာတော့ walker ထဲဝင်ထိုင်နေတတ်ပီး ၆လမှာတော့ တဂျောင်းဂျောင်းပြေးပေါ့...။ ၇ လသမီးမှာတော့ သမီးလေးက လေးဘက်သွားပါပီ။ ၈လမှာတော့ မတ်တပ်တော်တော်ရပ်နိုင်ပီး လေးဘက် ကို ၆လက်မအမြင့်ကို အတက်အဆင်း သူ့ဟာသူ လုပ်နိုင်ပါပီ။အဲလို လုပ်တတ်ဖို့ မေမေက ရှေ့ကနေ သမီး ဒီနေရာရောက်ရင် ဒီအဆင့်ကို လက်ကလေးကို ဒီလိုချ ဟိုလက်ကို ဒီလိုချ ချပီးမှ ဒီခြေထောက် ပီးမှ နောက်ခြေထောက်ချဆိုပီး သင်ပေးခဲ့တာပါ။ သိပ်မကြာပါဘူး။ သမီးအဆင်ပြေသွားပါတယ်။ မေမေ ဆိုတဲ့ စကားလုံးကိုလည်း ပီပြင်အောင် ခေါ်နိုင်နေပါပီ။
အခုလည်း လမ်းကို သူ့မသိစိတ်ကနေ တလှမ်း ၂လှမ်းစ လှမ်းနေပါပီ...။ သိပ်မကြာခင် လှမ်းနိုင်တော့မယ် ထင်ပါတယ်။သူ့ရဲ့ တိုးတက်မှုတိုင်း လက်ဝါးတီးပေးတဲ့အခါ တခစ်ခစ်ရယ်ရင်း ကျေနပ်ပီး ပိုပို လုပ်ချင်တယ်။
သူ ပျော်ပီး အော်လိုက်ရင်လည်း နားမခံသာပါဘူး။

အခု စာအုပ်ဖတ်ပြချိန်ဆို သူက စိတ်လှုပ်ရှားပီး မတ်တပ်ရပ် ပီး လက်လှုပ်ကာ အော်ပါတယ်။ သိပ်ချစ်ဖို့ ကောင်းပါတယ်။ ကိုယ့်အသံနဲ့ လက်နဲ့သရုပ်ပြပီး ပြောပီဆို... သူ့ရဲ့ ပျော်ရွှင်တဲ့ အော်သံ က အတောမသတ်တော့ပါဘူး။ အခုဆို ..ဘာဘဘဘ..ဘာဘာ.. ဂျာဂျာ..ဂျဂျ.. ဘာတွေမှန်းမသိပါဘူး အော်နေတတ်တာ။ မတ်တပ်ရပ်ပီး တဖန်းဖန်းရိုက်ပီး အသံထွက် အော်နေတာ  လဲ တခါတလေ အတောမသတ် နိုင်ဘူး။

မှန်ရှေ့သွား မှန်ကိုကိုင်ပီး မတ်တပ်ရပ် လိုရပ်။ ထောင်ထားတဲ့ စားပွဲခုံကို သွားကိုင်ပီး လှဲလိုလှဲ။ မအေက သူ့အပေါ်ပြုတ်ကျမှာစိုးလို့...ပြန်ဆွဲ...အို ပတ်လည်ကိုရိုက် နေတာပဲ။ ဂျောင်တွေလဲ ဘာကြိုက်သလဲ မမေးနဲ့။
ဒီက အ၀တ်တွေ စောင်တွေလှောင်တဲ့ ဗီဒိုတွေဆို သူဝင်ဆော့လိုက်ရမှ။ အံဆွဲဆိုလည်း ဖွင့်တတ်နေပီ။ အံဆွဲမှ ၃ဆင့်မြောက်အထိဖွင့်နေပီ။ ၄ဆင့်မြောက်ကိုတောင် ခြေဖျားထောက်ပီး ဖွင့်ချင်နေလို့ မနဲ ထိန်းနေရပီ။ အံဆွဲဖွင့်ပီး ရှိသမျှ အ၀တ်တွေ ဖြန့်ကျဲ။ ရှင်းပေတော့...ပဲ။ စင်အောက်တွေဆို အထဲထိဝင်ပီး မွှေတတ်နေပီ။ စာအုပ်စင်က စာအုပ်တွေဆိုလည်း ခနခနဆွဲပဲ..။ရီစရာကောင်းတာက မအေက မကြိုက်မှန်းသိတော့ မအေကို သူဖွင့်ပီဆို လှမ်းကြည့်ပီး ရီပြတတ်တာပါပဲ။ ရီပီး မအေက လာပီဆို သူက ခြေလက်တွေ လှုပ်ရှားပီး အတင်းလုတာပေါ့..။
 သူမမှီဘူးထင်တဲ့ နေရာဆိုလည်း ခြေဖျားထောက်ပီး လှမ်းဆွဲလို့ ပစ္စည်းတွေ ပြုတ်ကျတာလဲ အခါခါ။ တံခါးဆိုလည်း ဖွင့်ချင်နေပီ။ အကျီင်္တွေဆိုလည်း ကိုယ်ကခေါက် သူကဖွနဲ့..တနေ့တနေ့ ကိုယ်နဲ့သူနဲ့ လုံးလည်ချာလည်လိုက်လို့ပေါ့..။

အမယ်..သမီးက တခါတလေ.. အသံထွက်အောင် မှုတ်လို့ရတဲ့ သူ့ကစားစရာကို မှုတ်လို့ အသံထွက်နေပီ။ ကြော်ငြာကတော့ ဘာကြိုက်သလဲ မမေးနဲ့။ ကြော်ငြာလာချိန်ဆို ခေါ်လို့လဲမရ အော်လို့လဲမရ ကာလို့လဲမရ။ ဒီကကာရင် ဟိုကကြည့် အောက်ကကာရင် အပေါ်ကကြည့် ။

သမီးက သူ့ရဲ့ အင်္ဂလိပ်ကလေး ကဗျာတွေဖွင့်ရင် ပျော်ပီး ကြည့်တတ်နေသလို ပါးစပ်ကလည်း လိုက်ဆိုသလို လုပ်တတ်နေပီ။ ဂျပန်ကဗျာလဲ ဖွင့်တတ်နားထောင်တတ်ဆော့တတ်နေပီ။ ကိုယ့် အိုင်ပတ်ဆို သမီး တဖတ်ဖတ်လုပ်တာ..တခါတလေဆို ဗိုင်ဗာဖုန်းတွေ နှိပ်မိလို့ ကိုယ့်မှာ ဆောရီးအခါခါ ပြောရတာလဲ အခါခါရှိပီ။

သမီးက အစားလည်း အရမ်းစားပါတယ်။ ဘာကျွေးကျွေးစားပါတယ်။ မုန့်တွေဆို သူ့လက်နဲ့ သူကိုင်ပီးစားရတာကို ပိုသဘောကျပါတယ်။ သမီးလေး ၆လခွဲလောက်မှာ သွားလေး စထွက်ပါတယ်။ အခုဆို သူ့သွားလေး တော်တော်ပေါ်လာပါပီ။ သူ့သွားလေးနဲ့ သူ့မုန့်လေးကို ဂျွတ်ဆိုပီး ၀ါးစားတာ အရမ်းချစ်ဖို့ ကောင်းပါတယ်။ အခုမတ်တပ်ရပ်တတ်ချိန်ကစပီး တမင်းကျွေးရင် ရပ်ပီး စားတယ်။ ရပ်ယုံတင်မဟုတ်ဘူး။ ထမင်းပန်းကန်တင်တဲ့ အပေါ်ကို မတ်တပ်ရပ်တယ်။ ဟိုတလောက အောက်ကို ဇောက်ထိုးကျလို့ လှမ်းဖမ်းရသေးတယ်။ တခါတည်း တွေ့လား မေမေပြောတာ မလုပ်နဲ့ဆို ကျပီ..မေမေမဖမ်းမိရင် ဘယ်လိုလုပ်မလဲ..ကဲ..လို့။ နောက်ကျတော့ ရပ်ပေမဲ့ အဲ့အပေါ် သိပ်မတက်တော့ဘူး။

တခါလည်း microwave က ထုတ်လာတဲ့ သူ့အစာကို အတင်းယူတယ်.. ပူပူ လို့ပြောတာ နားမထောင်ပဲ လှမ်းဆွဲတာ.. ခြေထောက်ပေါ်ဖိတ်သွားတယ်။ ကိုယ်လည်း ချက်ချင်း ရေဘုံဘိုင်ဖွင့်ပီးရေစိမ်လိုက်တယ်။ ပီးတော့ သနပ်ခါးလိမ်းပေးလိုက်တယ်။ တော်သေးတယ်။ သိပ်မများတော့ ဘာမှမဖြစ်ဘူး။ သူလဲ မှတ်သွားတယ်။ ပူပူဆို မကိုင်တော့ဘူး။

ဟိုးနေ့ကတော့ တစ်ရှူးတွေ ပါးစပ်ထဲ ထပ်ထည့်လို့ သူ့ကို ပြောလိုက်တယ်။ နောက်တခါ တစ်ရှူးစားရင် မေမေ မန်မန်လဲ ကျွေးဘူး ချို ချိုလဲ တိုက်ဖူး မုန့်မုန့်လည်းကျွေးဖူး သမီးမှတ်ထားနော်။သမီးက တစ်ရှူးစားချင်တာ တစ်ရှူးပဲ ကျွေးမယ်..ဟုတ်လား promise နော်သမီးဆိုပီး ပြောထားတာ အဲ့ဒီနေ့ကပဲ သမီးက တစ်ရှူးကြိုက်တာ တစ်ရှူးစားနော်.. မေမေ ဘာမှမကျွေးဘူးပြောတော့ သူ မှတ်ထားတယ် အတင်းပဲ တစ်ရှူးပေးလဲ မယူပဲ ချိုချိုလာစို့တယ်။ ဒီနေ့ သူတစ်ရှူးကိုင်တာနဲ့ ကိုယ်က သမီးနဲ့ မေမေ promise လုပ်ထားတယ်နော်..လို့ ပြောပီး မေမေ ဘာမှ ကျွေးတော့ဘူးနော်ပြောတာ .. တစ်ရှူးကို ချပီး တခြားကစားစရာကိုင်တယ်။

ဒီလိုပါပဲ တနေ့မှာ သမီးလေးကုတင်ပေါ်က ပြုတ်ကျပီထင်ခဲ့တာ.. သမီးက မေမေပြောတာကို သေချာ မှတ်ထားတယ်။ ကုတင်အစပ်ကနေ မီးဖိုခန်းက မအေကို ငိုပီး အော်ခေါ်နေတာ... ။ သမီးလေးကို ကုတင်အစပ်ကနေ သမီး မေမေ မရှိတဲ့အခါ ဒီအထိပဲလာနော် ရှေ့တိုးရင် သမီးပြုတ်ကျမှာ ပြုတ်ကျရင် နာနာ ဖြစ်မှာ နာနာဖြစ်ရင် ဆရာဝန်ကြီးက ဆေးထိုးမှာနော်လို့ ပြောထားတာ... တကယ်နားထောင်တာလား ဘာလားတော့မသိဘူး။ လူကြိးမရှိရင်  အဲဒီအနားမသွားဘူး။

တခါကလဲ တမင်းစားတုန်း လက်ကိုပုတ်လိုက်တာ... ထမင်းတွေအကုန်နီးပါးဖိတ်ကုန်ရော... ဒါနဲ့ သမီးကို မေမေ ပြောတယ်..မလုပ်နဲ့ဆိုတာ လုပ်တတယ်..ဖိတ်ကုန်ပီ။ အိုကေ..သမီးက ဒီလိုလုပ်ချင်တယ်မို့လား... ကိုင်..ရော့.သမီးကြိုက်သလာက်ကိုင်ဆိုပီး သူ့ကို ကျန်နေတဲ့ ပန်းကန်က ထမင်းတွေ ဆက်ကိုင်ခိုင်းလိုက်တယ်။ သူကလဲ ကိုင်တယ်။အပီ။ သူကိုင်နေချိန်မှာ ကိုယ်က အောက်က ပေနေတာတွေ သုတ်သင်ပေါ့။ ကိုယ်ရှင်းလို့လဲ ပီးရော.. သမီး...သမီးက အဲလို ကိုင်ရတာ ကြိုက်လား... ကြိုက်တယ်ပေါ့..ဟုတ်လား..။ မေမေက ညစ်ပတ်ရင် မချီဘူးနော်..။ သမီး မေမေ့နားလာမကပ်နဲ့လဲ ပြောလိုက်ရော သမီးက အဲ့ကျမှ ငိုတာ..သူငိုပေမဲ့ ကိုယ်မကိုင်ဘူး။ သူ့ကိုပဲ သန့်ရှင်းရေးလုပ်ပေးတယ်။ သူက ကိုယ့်ကိုချီခိုင်းပေမဲ့ ကိုယ်က တော့..သမီးတကိုယ်လုံး ညစ်ပတ်နေတာ မေမေ မချီနိုင်ဘူး။ မေမေက ညစ်ပတ်ရင်မချီဘူးဆိုပီး တကယ့်ကိုမချီဘူး။ သြော်.. ဘာပြောကောင်းမလဲ ပထတော့ ဒေါသထွက်တာပေါ့။ ဒါမဲ့ သမီးကို ကိုယ်ဒေါသထွက်ကြောင်း ဘယ်တုန်းကမှ မပြခဲ့ဘူး။ ဒေါသကို သိမ်းပီး အဲလို လုပ်ပေးလိုက်တဲ့အခါ သူ့အသိထဲမှာ ဒါ သူ့မေမေမကြိုက်ဘူး ဆိုတာ သိသွားတာပေါ့...။ မှတ်သွားတယ်..နောက်အဲလို ဖိတ်အောင်မလုပ်တော့ဘူး။

သမီးက အခုဆို walker ထဲ မနေချင်ဘူး။ မအေရေချိုးရင် ပါချင်တယ်။ တခါတလေ သူ့ကို အတင်းထားရတယ်။ တခါတခါ သူက မ၀င်ချင်တော့ ခြေကို ကုပ်ထားတာရယ်။ အဲလိုထားတဲ့အခါ ကျရငိ သိပ်ရီရတာပဲ။ သူပါ ရေချိုးချင်တော့ သူ့အကျီကို သူ့ဘာသာသူ ချွတ်တယ်ပေါ့..။ တခါတလေ အကျီလက်တဖက်ကျွတ်လို့ တခါတလေတော့ ကြယ်သီး ၁လုံး၁လေ ကျွတ်တယ်ပေါ့...။ သူရေချိုးတဲ့ သူ့ဇလုံနဲ့ ရေမချိုးတာ ၅လခွဲ လောက်ထဲကပဲ။ ရေချိုးလဲ မငြိမ်တော့ သိပ်သတိထားရတာပဲ။ တူတူရေချိုးတိုင်း မအေ ဆီက ချိုချိုကိုပဲ လိုက်ဆွဲနေတာ..များ ရေချိုးနေရင်းနဲ့ကို စို့ချင်တာ။

ခုဆို သမီးက တူဆိုရင် လိုက်ရှာတတ်နေပီ။ မျက်လုံးကွယ်ထားရင် ကွယ်ထားတာကို လိုက်ဖယ်တတ်နေပီ။ သူ့ဖေဖေ ရုံးကပြန်လာရင် ခြေလက်ဆေးတဲ့အခါ အနောက်က တကောက်ကောက် လိုက်တတ်နေပီ။ သူ့အဖေ အလုပ်သွားခါနီး ဆို တခါတလေ အတင်းကုန်းရုန်းထပီး လိုက်နုတ်ဆက်တတ်သေးတာ။

သမီးလေး...အကြောင်းတွေ... ရေးနေရင်း မအေ အလစ်ချောင်းပီး ရေချိုးခန်းထဲ ၀င်ချင်လို့ ချောင်းနေလေရဲ့...ဒီနေ့တော့... ဒီလောက်နဲ့ နားလိုက်ပါဦးမည်။